جامبىل وبلىسى تۇرار رىسقۇلوۆ اۋدانىنىڭ تاۋلى جەرلەرىندە ورىن العان ءورت اۋىزدىقتالدى. قازىرگى ۋاقىتتا زارداپ شەككەندەر تۋرالى اقپارات تۇسكەن جوق. الدىن الا بولجام بويىنشا, ءورت تۇرعىنداردىڭ وت قولدانۋداعى ابايسىزدىعى سالدارىنان ورىن العان. ءتىلسىز جاۋدى اۋىزدىقتاۋعا 277 ادام مەن 42 تەحنيكا جۇمىلدىرىلدى.
سونداي-اق «قازاۆياقۇتقارۋ» مي-8 تىكۇشاعى تارتىلدى. بۇل تۋرالى توتەنشە جاعدايلار دەپارتامەنتىنىڭ ءباسپاسوز قىزمەتى ءمالىم ەتتى.
«ۇشۋ ناتيجەلەرى بويىنشا الدىن الا ەسەپتەۋلەرگە سايكەس ءورتتىڭ اۋماعى 650 گەكتاردى قۇرايدى, «قازاۆياقۇتقارۋ» اق مي-8 تىكۇشاعىمەن جەكە قۇرامدى بيىك جەرگە جەتكىزۋ بويىنشا ۇشۋلار جۇرگىزىلۋدە. قازىرگى تاڭدا جوعارىدا اتالعان كۇشتەر مەن قۇرالدار تاۋلى اۋماقتاعى جانۋ وقيعاسىنىڭ سالدارىن جويۋ جۇمىستارىن جالعاستىرۋدا», دەلىنگەن ۆەدومستۆو حابارلاماسىندا.
