سونىمەن قاتار ول Warner Classics كومپانياسى ۇيىمداستىرعان داۋىس جازۋعا جانە Steinway&Sons تاراپىنان ەۋرو تۋر جاساۋعا مۇمكىندىك الدى. سونداي-اق ءالىم XX-XXI عاسىرلارداعى ۇزدىك تۋىندىلاردى جاقسى ورىنداعانى ءۇشىن بەرىلەتىن ليۆەرپۋلدەگى كورولدىك فيلارمونيا قاۋىمداستىعىنىڭ جانە medici.tv نۇسقاسى بويىنشا كورەرمەن كوزايىمى سىيلىعىنا يە بولدى.
بايقاۋ قورىتىندىسى بويىنشا جاپونيالىق كايتو كوباياشي ەكىنشى ورىن مەن كۇمىس مەدالعا يە بولسا, ۇزدىك ۇشتىكتى يزرايلدىك اريەل لاني تۇيىندەدى.
مۋزىكانتتار ليۆەرپۋلدەگى كورولدىك فيلارمونيانىڭ دەريجەرى ەندريۋ مانتسەنىڭ سۇيەمەلدەۋىمەن كلاسسيكالىق تۋىندىلاردى ورىندادى.
ايتا كەتەيىك, ءالىم – بۇل بايقاۋدا جەڭىسكە جەتكەن تۇڭعىش قازاقستاندىق ونەرپاز. 23 جاستاعى مۋزىكانت 2016 جىلدىڭ قىركۇيەگىنەن باستاپ لوندونداعى كورولدىك مۋزىكا كوللەدجىنىڭ ماگيستراتۋراسىندا وقيدى. بۇل وقۋ ورنىندا ول تانىمال پروفەسسور – ۆانەسسا لاتارش پەن دميتري الەكسەەۆتەن ءدارىس الادى.
