حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوستى. باعدارلاما جۇزەگە اسقالى جالپى سالماعى 2,3 توننا 62 838 التىن قۇيما ساتىلعان.
«التىن قۇيمالاردىڭ بەس ءتۇرى ۇسىنىلادى: 5, 10, 20, 50 جانە 100 گ. ساتىپ الۋشىلار اراسىندا ەڭ كوپ سۇرانىسقا يە بولعانى – 10 گرامدىق قۇيما. ونىڭ جالپى ساتىلىمداعى ۇلەسى 29% – 18 267 دانا. ودان كەيىن 100 گرامدىق قۇيما – 14 273 دانا (23%) جانە 20 گرامدىق قۇيما – 12 314 دانا (20%), 5 گرامدىق قۇيما – 10 376 دانا (16%), 50 گرامدىق قۇيما – 7 608 دانا (12%). نەگىزىنەن, ولشەنگەن قۇيمالار الماتى, نۇر-سۇلتان جانە اتىراۋ قالالارىندا سۇرانىسقا يە.
التىن قۇيمالار سەنىمدى ينۆەستيتسيالىق قۇرال بولا الادى. بانكتەر مەن بانكتىك ەمەس ايىرباستاۋ پۋنكتتەرىنىڭ كليەنتكە اقشاسىن تولەپ, قۇيمالاردى «كۇنبە-كۇن» ساتىپ الا الاتىن مۇمكىندىگى – التىن قۇيمالار نارىعىنىڭ وتىمدىلىگىن قامتاماسىز ەتۋدە نەگىزگى فاكتورعا اينالىپ وتىر», دەپ جازادى بانكتىڭ ءباسپاسوز قىزمەتى.
قازىرگى ۋاقىتتا التىن قۇيمالاردى Halyk Bank, ەۋرازيالىق بانك, Jusan Bank, بانك تسەنتركرەديت, سونداي-اق بانكتىك ەمەس ايىرباستاۋ پۋنكتتەرىندە ساتىپ الۋعا جانە ساتۋعا بولادى.
ء«ار قۇيما قورعانىس ەلەمەنتتەرىمەن (قۇيمالاردىڭ اينا بەتى, ميكروتەكست جانە رەلەفتىڭ شەتى), قۇيمالاردى مەحانيكالىق زاقىمدانۋدان قورعايتىن جانە پاكەتتىڭ اشىلعان-اشىلماعانىن تەكسەرۋدى جەڭىلدەتەتىن ارنايى قاپتامامەن شىعارىلادى. قورعانىس قاپتاماسى, سونىمەن قاتار, قۇيمانىڭ ساپا سەرتيفيكاتى بولا الادى. سوندىقتان قۇيمانى ساقتاعاندا مۇقيات بولىپ, ورامانى اشپاعان ءجون», دەپ ەسكەرتەدى بانك.
