ەكونوميكا • 21 قىركۇيەك، 2021

كليەنتتىڭ قالتاسىنا تۇسكەن...

26 رەت كورسەتىلدى

قازاقستاندىق بانكتەر بەلگىلەگەن ليميتتەن جوعارى كولەمدە كليەنتتەر اقشاسىن ەسەپتەن شىعارىپ وتىرعان. باس پروكۋراتۋرا بانكتەردىڭ ازاماتتاردان ولاردىڭ نەسيەلەرى مەن قارىزدارى بويىنشا ارتىق اقشا قاراجاتىن ۇستاپ قالۋ فاكتىلەرىن انىقتاپتى.

ەڭبەك كودەكسى مەن «قازاقستان رەس­پۋبليكاسىندا زەينەتاقىمەن قام­سىزداندىرۋ تۋرالى» زاڭدا تيە­سىلى جالاقى مەن زەينەتاقى سوما­سىنىڭ 50 پايىزىنان استامىن ءون­دىرىپ الۋعا تىيىم سالىنعان. الايدا بانكتەر ازاماتتاردىڭ شوت­تا­رىنداعى اقشالاي قاراجات­تا­رىن بەكىتىلگەن تىيىمنان جوعارى كو­لەم­دە ەسەپتەن شىعارعان. بۇل رەتتە، باس پروكۋراتۋرانىڭ ءباسپاسوز قىزمەتى – Kaspi Bank، «ەۋرازيالىق بانك»، Halyk Bank، «حوۋم كرەديت ەند فينانس بانك» اق بانكتەرىن اتايدى.

«مىسالى، Kaspi Bank وسكەمەن قالاسى تۇرعىنىنىڭ ەڭبەكاقى الۋعا ارنالعان بانكتىك شوتى بويىنشا «قازاقستان حالىق بانكى» اق-عا تولەم تالابىن قويعان. وسى تالاپ تۇسكەنگە دەيىن جۇمىس بەرۋشى اليمەنت تولەمدەرى ءۇشىن ەڭبەكاقىنىڭ جارتىسىن ۇستاعان بولاتىن. سونىڭ سالدارىنان بارلىق ۇستالعان سومالاردان كەيىن ونىڭ ەسەپ ايىرىسۋ شوتىندا نەبارى 16 مىڭ تەڭگە (25 پايىز) قالعان. سوت شەشىمىمەن تالاپكەردىڭ پايداسىنا ارتىق ۇستالعان سوما ءوندىرىلىپ الىندى، بىراق ول ءۇشىن سوت داۋلارىنا 9 اي ۋاقىت كەتتى»، دەپ حابارلادى ءباسپاسوز قىزمەتى.

وسىعان ۇقساس فاكتىلەر اقتوبە، قاراعاندى، جامبىل، قوستاناي جانە سولتۇستىك قازاقستان وبلىستارىندا انىق­تالعان. باس پروكۋراتۋرانىڭ دە­رەگىنە سايكەس بۇل پروبلەما بانك­ت­ەر­دىڭ اقشالاي قاراجاتتىڭ بانك­تىك شوتقا تۇسكەنگە دەيىن جۇر­گى­زىلگەن اتقارۋشىلىق ءىس جۇرگىزۋ بويىنشا ۇستاۋلاردان حاباردار بولماۋىنىڭ سالدارىنان تۋىنداپ جاتىر.

ارينە، مۇنداي جاعداي قاراپايىم حالىقتىڭ نارازىلىعىن تۋىنداتادى. قارجى نارىعىن رەتتەۋ جانە دامىتۋ اگەنتتىگى اتالعان پروبلەمانى كەلەسى شارالاردى قابىلداۋ ارقىلى شەشكەن. كليەنتتىڭ ءوتى­نى­شى نەگىزىندە بانكتەردىڭ جانە سوت ورىنداۋشىلارىنىڭ ارتىق تو­لەنگەن سومانى 5 جۇمىس كۇنى ىشىن­دە قايتارۋ الگوريتمى قولدانىسقا ەن­گىزىلدى، قازاقستان بانكتەرىنىڭ بازاسى اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسىمەن ينتەگراتسيالاندى.

اگەنتتىكتىڭ پىكىرىنشە، بۇل بانك­­تەر­گە بارلىق كرەديتوردىڭ ەڭ­بەكاقى نەمەسە زەينەتاقىدان جال­پى ۇستالىنعان سومالاردىڭ زاڭدا بەلگىلەنگەن 50 پايىزدان اسپاۋى ءۇشىن ولاردىڭ كليەنتىنەن قانداي شەگەرىمدەر جاسالعانىن كورۋگە مۇمكىندىك بەرەدى. قانداي دا ءبىر زاڭسىز ءوندىرىپ الۋ فاكتىلەرى ورىن العان جاعدايدا ازاماتتار قارجى نارىعىن رەتتەۋ جانە دامىتۋ اگەنتتىگىنە، ونىڭ اۋماقتىق بولىمشەلەرىنە نەمەسە پروكۋراتۋراعا شاعىممەن جۇگىنۋگە قۇقىلى.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار