گاتچينا قالاسىندا 24 قىركۇيەك پەن 2 قازان ارالىعىندا وتەتىن فەستيۆالدا كوركەم شىعارما جەلىسىمەن تۇسىرىلگەن فيلمدەر عانا باق سىناي الادى.
«شىڭىراۋدىڭ» نەگىزگى سيۋجەتى قۇدىق قازۋشى ەڭسەپتىڭ وقيعاسىن بايانداي وتىرىپ, مەنمەندىك, باقتالاستىق, ماحاببات, دوستىق, قاستاندىق سىندى مىنەزدەرگە قۇرىلعان.
ء«ابىش كەكىلباەۆتىڭ «شىڭىراۋ» پوۆەسى جەلىسىمەن تۇسىرىلگەن فيلم الەمگە ەسىمدەرى بەلگىلى تولستوي, چەحوۆ, دوستوەۆسكي, كافكا سياقتى ۇلى جازۋشىلاردىڭ شىعارماسى بويىنشا تۇسىرىلگەن فيلمدەرمەن ءبىر كونكۋرستىق باعدارلامادا كورسەتىلەتىنىنە قۋانىشتىمىن», دەيدى رەجيسسەر.
«ادەبيەت جانە كينو» كينوفەستيۆالى 1995 جىلدان بەرى گاتچينا قالاسىندا ءوتىپ كەلەدى. مۇندا جىل سايىن رەسەيلىك جانە الەمدىك جاڭا فيلمدەر كورسەتىلەدى. بيىلعى ماۋسىمدا – 24 قىركۇيەكتە فەستيۆال الەكسەي تەلنوۆتىڭ «ارحيپەلاگ» فيلمىمەن اشىلماق. نەگىزگى بايقاۋعا بارلىعى 24 تۋىندى قاتىسادى.
ال مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن «شىڭىراۋ» كوركەم ءفيلمى 28 قىركۇيەكتە 19.00-دە «پوبەدا» كينوكونتسەرت زالىندا كورسەتىلەدى.
