باعدارلامالار • 20 قىركۇيەك، 2021

«ەلوردا جاستارى» تۇرعىن ءۇي باعدارلاماسى قاشان باستالادى؟

178 رەت كورسەتىلدى

«ەلوردا جاستارى» تۇرعىن ءۇي باعدارلاماسى قاشان باستالاتىنى بەلگىلى بولدى، دەپ جازادى Egemen.kz.

نۇر-سۇلتان قالاسى اكىمدىگى «استانا جاستارى» جاستار رەسۋرستىق ورتالىعى باسشىسىنىڭ ورىنباسارى ايان ەرمەنتاەۆ كوكتەمدە باستالۋى ءتيىس «ەلوردا جاستارى» باعدارلاماسى نە سەبەپتى كەشىكتىرىلىپ جاتقانىن ايتتى.

«ناۋرىزدان باستالماۋىنا سەبەپ بار. جۇمىسشى جاستارعا بەرىلەتىن ساتىپ الۋ قۇقىعىنسىز بەرىلەتىن جالدامالى پاتەرمەن بىرگە ىسكە قوسقىمىز كەلىپ وتىر. وسى رەتتە جاستار ءۇشىن وسى ەكى باعدارلامانى قاتار ىسكە قوسقىمىز كەلەدى»، دەدى ول.

ايتا كەتەيىك، اتالعان باعدارلاماعا 35 جاسقا دەيىنگى ەلوردالىق جاس ازامات قاتىسا الادى. ونىڭ نۇر-سۇلتاندا ءبىر جىلدان كەم ەمەس تۇرعىلىقتى مەكەنجايى بولۋى كەرەك.

«باعدارلاما بالدىق جۇيە ارقىلى ەسەپتەلەدى. ماسەلەن، الدىمەن ازامات ءوتىنىش بەرەدى. سوڭعى ءبىر جىل كولەمىندە «پروپيسكاسى» بولۋى كەرەك. ايلىعى بەلگىلى ءبىر سومادان اسىپ كەتپەۋى كەرەك. وسى جىلدىڭ سوڭىنا دەيىن باعدارلاما بويىنشا جاستاردىڭ ءوتىنىشىن قابىلداۋ باستالادى. شامامەن قازان-قاراشا ايلارىندا»، دەپ جاۋاپ بەردى ايان ەرمەنتاەۆ.

ءۇيدىڭ باعاسى 13 ملن سومادان باستالادى.

ناقتى قانشا ءۇي بەرىلەتىنى ءالى ناقتى ەمەس.

قۇجات قابىلداۋ zhilfond.kz سايتى ارقىلى جۇرگىزىلەدى.

نەگىزگى شارتتارى:

  • 5%-دىق مولشەرلەمە;
  • العاشقى جارنا 10%;
  • نەسيەنىڭ مەرزىمى 25 جىلعا دەيىن.

بۇل باعدارلاما بويىنشا دەنساۋلىق ساقتاۋ، ءبىلىم بەرۋ، مادەنيەت جانە سپورت، باق، الەۋمەتتىك سالا وكىلدەرىن قولداۋ قاراستىرىلعان.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار