ەلوردا • 20 قىركۇيەك، 2021

نۇر-سۇلتاندا 15 مىڭ شاقىرىمنان استام ينجەنەرلىك جەلى تسيفرلاندىرىلدى

9 رەت كورسەتىلدى

ەلوردانى تسيفرلاندىرۋ جوباسى قالانى ءتيىمدى دامىتۋعا، جۇيەلى ماسەلەلەردى شەشۋگە مۇمكىندىك بەرەدى. 14-15 قىركۇيەكتە ماسكەۋدە Mobile 360 فورۋمى ءوتتى، وندا قاتىسۋشىلار وڭىرلەردىڭ ەڭ وزەكتى ماسەلەلەرىن تالقىلادى، سونداي-اق جاڭا تەحنولوگيالار مەن تسيفرلىق تۇراقتىلىققا بايلانىستى دامۋدىڭ جاڭا مۇمكىندىكتەرىن اشتى، دەپ جازادى Egemen.kz.

ەۋرازيا ساراپشىلارىمەن كەزدەسۋدە ەلوردالىق تسيفرلاندىرۋ باسقارماسىنىڭ باسشىسى بوتاگوز قاسابەك شاقىرىلعان سپيكەر رەتىندە ءسوز سويلەپ، نۇر-سۇلتان قالاسى اكىمدىگىنىڭ گەواقپاراتتىق ورتالىعىن تانىستىردى. جوبانى الەمدىك قوعامداستىق پەن فورۋمعا قاتىسۋشىلار – ماسكەۋ قالاسىنىڭ اقپاراتتىق تەحنولوگيالار دەپارتامەنتى، بەلارۋستىڭ تسيفرلاندىرۋ مينيسترلىگى، متس، Beeline، Yandex جانە روستەلەكوم كومپانيالارى ەرەكشە اتاپ ءوتتى.

فورۋمنىڭ نەگىزگى تاقىرىپتارى: ناقتى شىندىقتاعى يننوۆاتسيالار، ادام مەن تەحنولوگيانىڭ ءوزارا ءىس-قيمىلىنىڭ جاڭا ءداۋىرى، اقىلدى قالالاردىڭ بولاشاعى جانە تۇراقتى كوممۋنيكاتسيالار. ءىس-شارا تسيفرلىق قۇرالداردى پايدالانۋ ارقىلى ازاماتتار، ءوڭىر جانە قالالار ءۇشىن قولايلى جاعدايلار جاساۋعا ارنالدى. ءىس-شارانى بۇكىل الەمدەگى ۇيالى بايلانىس وپەراتورلارىنىڭ مۇددەلەرىن بىلدىرەتىن GSM دۇنيەجۇزىلىك قاۋىمداستىعى (GSMA) ۇيىمداستىردى.

قازىرگى ۋاقىتتا نۇر-سۇلتان قالاسىنىڭ گەواقپاراتتىق ورتالىعى ساۋلەت، قالا قۇرىلىسى جانە جەر قاتىناستارى باسقارماسىندا جانە نۇر-سۇلتان قالاسىنىڭ تابيعي رەسۋرستار جانە قورشاعان ورتانى قورعاۋ باسقارماسىندا پيلوتتىق رەجيمدە پايدالانىلۋدا. وسىلايشا، 2D-3D تەحنولوگيالارى ينجەنەرلىك جەلىلەرگە تۇسەتىن جۇكتەمەلەردى كورنەكى تۇردە كورسەتەدى. جاڭا تەحنولوگيا عيماراتتاردىڭ زياتكەرلىك جوبالارىن جاساۋعا، قۇرىلىستاردى سالۋ مەن پايدالانۋدى باقىلاۋدى قامتاماسىز ەتۋگە، سونداي-اق عيماراتتاردىڭ تسيفرلىق (اقپاراتتىق) مودەلىن جاساۋعا مۇمكىندىك بەرەدى. قازىرگى ۋاقىتتا 15 مىڭ شاقىرىمنان استام ينجەنەرلىك جەلى تسيفرلاندىرىلدى. بارلىق نىساندى ينتەگراتسيالاۋ ناتيجەسىندە قالانىڭ ەڭ ءتيىمدى لوگيستيكاسىن قۇرۋ جانە ەلوردانىڭ باسقا دا مىندەتتەرىن شەشۋ مۇمكىندىگى پايدا بولدى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار