ەكونوميكا • 20 قىركۇيەك، 2021

قازاقستاندا ەلەكتر ەنەرگياسى قىمباتتادى

30 رەت كورسەتىلدى

ۇلتتىق ستاتيستيكا بيۋروسىنىڭ مالىمەتى بويىنشا وسى جىلدىڭ تامىز ايىندا ەلەكتر ەنەرگياسىنىڭ تاريفتەرى ەلەكتر پليتالارى قولدانىلعان جاعدايدا 100 كۆت/ساع ءۇشىن 1،5 مىڭ تەڭگە جانە ەلەكتر پليتالارى قولدانىلماعان جاعدايدا 1،4 مىڭ تەڭگەنى قۇرادى، دەپ حابارلايدى Egemen.kz.

2020 جىلدىڭ تامىزىمەن سالىستىرعاندا باعا ورتاشا ەسەپپەن 24%-عا وسكەن. بۇل رەتتە وسى جىلدىڭ باسىنان بەرى ءوسىم 19%-دان استى.

II دەڭگەيدەگى تۇتىنۋشىلار ءۇشىن تاريف ايتارلىقتاي قىمباتتاعان جوق – جىل باسىنان بەرى 17،5-18،4%-عا، 100 كۆت/ساع ءۇشىن 1،8 مىڭ تەڭگەگە دەيىن. جىلدىق ءوسىم شامامەن 21%-دى قۇرادى.

III دەڭگەيدە ءوسىم جوعارى بولدى: جىل باسىنان بەرى – 18،2-19،2%-عا، 100 كۆت/ساع ءۇشىن 2،3 مىڭ تەڭگەگە دەيىن. جىلدىق ءوسىم – 21،3-22،4%.

سونىمەن قاتار، وڭىرلەر اراسىندا ەڭ ارزان تاريف تامىز ايىندا اقتوبە مەن اتىراۋدا بايقالدى – I دەڭگەيدە 1 مىڭ تەڭگەدەن از.

ەڭ جوعارى تاريفتەر الماتى مەن اقتاۋدا تىركەلدى – 100 كۆت/ساع ءۇشىن 1،7 مىڭ تەڭگەدەن استام. نۇر-سۇلتاندا ەلەكتر قۋاتى 100 كۆت/ساع ءۇشىن 1،1-1،2 مىڭ تەڭگە تۇرادى. شىمكەنتتە – 100 كۆت/ساع قۇنى شامامەن 1،5 مىڭ تەڭگە.

قازاقستاندا 2021 جىلدىڭ سوڭىنا دەيىن ەلەكتر ەنەرگياسى باعاسىنىڭ ءوسۋى بولجانىپ وتىر.

اكىمدىك بەلگىلەگەن ەلەكتر ەنەرگياسىن تۇتىنۋ دەڭگەيىنە بايلانىستى تاريفتەر ەسەپتەلەدى. مىسالى، الماتىدا تۇتىنۋدىڭ I دەڭگەيى – ءبىر تۇرعىنعا 90 كۆتس-قا دەيىن، تۇتىنۋدىڭ II دەڭگەيى – 90 كۆتس-تان 160 كۆتس-قا دەيىن، III دەڭگەيى – 160 كۆتس-تا جوعارى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار