ەكولوگيا • 20 قىركۇيەك، 2021

سەنات كاسپي تەڭىزىنىڭ ەكوجۇيەسىن قورعاۋ ماسەلەلەرىن تالقىلادى

14 رەت كورسەتىلدى

سەناتتىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسىندا دەپۋتاتتار «كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا قورشاعان ورتاعا ترانسشەكارالىق تۇرعىدان جاسالاتىن اسەردى باعالاۋ جونىندەگى حاتتامانى راتيفيكاتسيالاۋ تۋرالى» زاڭ جوباسىن تالقىلادى، دەپ جازادى Egemen.kz.

«زاڭ جوباسىنىڭ نەگىزگى ماقساتى – تەڭىز ورتاسى مەن تەڭىزگە جاقىن ورنالاسقان قۇرلىققا ەداۋىر ترانسشەكارالىق اسەر ەتۋى مۇمكىن جوسپارلانىپ وتىرعان قىزمەتتىڭ ترانسشەكارالىق تۇرعىداعى قورشاعان ورتاعا اسەردى باعالاۋدىڭ ءتيىمدى جانە اشىق راسىمدەرىن وتكىزۋ»، دەپ اتاپ ءوتتى سەناتور ابدالى نۇراليەۆ وتىرىس بارىسىندا.

حاتتامانى راتيفيكاتسيالاۋ قورشاعان ورتانى باعالاۋ جانە وعان اسەر ەتۋ جونىندەگى زاڭنامالىق جانە اكىمشىلىك شارالاردى قابىلداۋعا مۇمكىندىك بەرەدى جانە وسى راسىمگە جۇرتشىلىقتىڭ باستاپقى كەزەڭنەن باستاپ ءتيىمدى قاتىسۋىن قامتاماسىز ەتەدى.

سەناتورلار كوميتەت وتىرىسىنىڭ قورىتىندىسى بويىنشا اتالعان زاڭ جوباسىن پالاتانىڭ قاراۋىنا بەرۋ تۋرالى شەشىم قابىلدادى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار