ايماقتار • 20 قىركۇيەك، 2021

الماتىدا قانشا ادام ءۇي كەزەگىندە تۇر؟

11 رەت كورسەتىلدى

الماتىدا 31 مىڭنان استام ازامات ءۇي كەزەگىندە تۇر. بۇل تۋرالى ونلاين بريفينگ بارىسىندا الماتى قالاسى تۇرعىن ءۇي ساياساتى باسقارما باسشىسىنىڭ ورىنباسارى ەرمەك ءامىروۆ ءمالىم ەتتى، دەپ حابارلايدى Egemen.kz.

«قالادا حالىقتى تۇرعىن ۇيمەن قامتاماسىز ەتۋ بەلسەندى جۇرگىزىلۋدە. بۇگىندە تۇرعىن ءۇي كەزەگىندە 31 مىڭنان استام ازامات تۇر، ولاردىڭ 20 مىڭنان استامى الەۋمەتتىك جاعىنان وسال توپقا جاتادى.

ەلباسىنىڭ تاپسىرماسىمەن تۇرمىسى تومەن ازاماتتاردى تۇرعىن ۇيمەن قامتۋ بويىنشا «باقىتتى وتباسى» باعدارلاماسى ىسكە اسىرىلىپ جاتىر. وعان كوپبالالى، تولىق ەمەس وتباسى جانە مۇگەدەك بالانى اسىراۋشىلار كىرەدى»، دەيدى سپيكەر.

ونىڭ ايتۋىنشا، ءۇش جىل ىشىندە «باقىتتى وتباسى» باعدارلاماسى اياسىندا 634 وتباسى بانككە ءوز تولەم قابىلەتتىلىگىن راستاپ، باسپانالى بولدى. سونىمەن قاتار بيىل جەرگىلىكتى بيۋدجەتتەن وسى باعدارلاماعا 3،3 ملرد تەڭگە كولەمىندە قوسىمشا قاراجات ءبولىندى. وسىلايشا جوسپارلانعان 790 پاتەردىڭ سانى 1013-كە جەتتى.

«سونداي-اق كوپبالالى وتباسىلار، مۇگەدەك بالانى اسىراۋشىلار جانە جەتىم بالالارعا «باقىتتى وتباسى» باعدارلاماسى اياسىندا جەرگىلىكتى بيۋدجەتتەن ارنايى 2 ملرد تەڭگە ءبولىندى. ول ءار ادامعا 1 ملن تەڭگەدەن، ياعني 2 مىڭ ادامعا پاتەرىنىڭ العاشقى جارناسى رەتىندە بەرىلەدى. قازىر 1 ملن تەڭگەلىك سەرتيفيكاتتاردى تابىستاۋ جۇمىسى جۇرگىزىلىپ جاتىر»، دەيدى ەرمەك ءامىروۆ.

وعان قوسا «الماتى جاستارى» باعدارلاماسى اياسىندا بىلتىر 1003 جاس وتباسى باسپانالى بولعان، بيىل دا ۇيمەن قامتۋ سول دەڭگەيدە بولماق.

 

 

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار