اsianhandball.org ءمالىم ەتكەندەي, قازىرگى ۋاقىتتا كوماندالارعا كىشى توپتاردا قورىتىندى ماتچتاردى وتكىزۋ قالدى.
«ا» توبىندا ونەر كورسەتەتىن قازاقستان قۇراماسى جوسپارلانعان ءتورت ويىننىڭ ۇشەۋىن ويناپ, بارلىعىندا جەڭىسكە جەتتى.
19 قىركۇيەكتە قازاقستاندىق گاندبولشىلار وزبەكستان قۇراماسىن 31:18 ەسەبىمەن تالقاندادى. بۇل جەڭىس ءبىزدىڭ سپورتشىلارعا ازيا بىرىنشىلىگىنىڭ جارتىلاي فينالىنا مەرزىمىنەن بۇرىن شىعۋعا مۇمكىندىك بەردى.
بىراق تۋرنير كەستەسىندە قازاقستاندىق سپورتشىلاردىڭ قاي جەردەن شىعاتىنى ءالى انىقتالعان جوق. ولار كىشى توپتاعى كوشباسشىلىقتى كورەيالىقتارمەن بولىسەدى. بۇل كوماندالار 21 قىركۇيەكتە قورىتىندى تۋردا كىمنىڭ مىقتى ەكەنىن انىقتاۋ ءۇشىن كەزدەسەدى. وسى ماتچتىڭ جەڭىمپازى «ۆ» كىشى توبىندا ەكىنشى ورىن الاتىن ۇجىممەن كەزدەسەدى.
