ۇكىمەت • 20 قىركۇيەك، 2021

ۇكىمەت باسشىسى باتىس قازاقستان وبلىسىنا باردى

28 رەت كورسەتىلدى

قر پرەمەر-ءمينيسترى اسقار مامين باتىس قازاقستان وبلىسىنا جۇمىس ساپارى اياسىندا ءوڭىردىڭ ودان ءارى الەۋمەتتىك-ەكونوميكالىق دامۋى ماسەلەلەرى جونىندە كەڭەس وتكىزدى، سونداي-اق كولىك، تۇرعىن ءۇي، ينجەنەرلىك-كوممۋنيكاتسيالىق ينفراقۇرىلىم، اوك جوبالارىنىڭ ىسكە اسىرىلۋىن تەكسەردى، دەپ جازادى Egemen.kz  قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.

بقو-نىڭ الەۋمەتتىك-ەكونوميكالىق دامۋىنىڭ 2021-2025 جىلدارعا ارنالعان كەشەندى جوسپارىن ازىرلەۋ، الەۋمەتتىك-ەكونوميكالىق جاعداي، ينفراقۇرىلىمدىق قۇرىلىس، ەلەكترمەن جانە گازبەن جابدىقتاۋ ماسەلەلەرى، سونداي-اق ينۆەستيتسيالىق جوبالار تۋرالى پرەمەر-ءمينيستردىڭ ورىنباسارى رومان سكليار، وبلىس اكىمى عالي ەسقاليەۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ەنەرگەتيكا ءمينيسترى ماعزۇم مىرزاعاليەۆ، ۇلتتىق ەكونوميكا ۆيتسە-ءمينيسترى الىشەر ابدىقادىروۆ، قارجى ۆيتسە-ءمينيسترى مارات سۇلتانعازيەۆ باياندادى.

باتىس قازاقستان وبلىسىنىڭ كەشەندى الەۋمەتتىك-ەكونوميكالىق دامۋى اياسىندا بەس جىل ىشىندە وڭدەۋ ونەركاسىبىن، اوك، الەۋمەتتىك سالانى، تۇرعىن ءۇي، كولىك، ينجەنەرلىك-كوممۋنيكاتسيالىق ينفراقۇرىلىمدى دامىتۋ، ازاماتتىق قورعاۋ مەن قورشاعان ورتانى قورعاۋدى قامتاماسىز ەتۋ بويىنشا 141 ءىس-شارانى ىسكە اسىرۋ جوسپارلانىپ وتىر. 2،4 ترلن تەڭگە ينۆەستيتسيا تارتۋ كوزدەلگەن، ونىڭ 80%-ى – جەكە مەنشىك كاپيتال.

كەشەندى جوسپاردى ورىنداۋ 2025 جىلعا قاراي وڭدەۋ ونەركاسىبىنىڭ كولەمىن جىلىنا 205-تەن 300 ملرد تەڭگەگە دەيىن، شوب ۇلەسىن 32،7%-دان 37،8%-عا دەيىن ارتتىرۋعا مۇمكىندىك بەرەدى.

«مەملەكەت باسشىسى قاسىم-جومارت توقاەۆ باتىس قازاقستان وبلىسىنىڭ دامۋىنا ۇلكەن كوڭىل بولەدى. ءوڭىر ونەركاسىپتىك دامۋدىڭ جوعارى الەۋەتىنە يە. ازىرلەنىپ جاتقان الەۋمەتتىك-ەكونوميكالىق دامۋدىڭ كەشەندى جوسپارىنىڭ ءىس-شارالارىن جۇزەگە اسىرۋ ينۆەستيتسيا تارتۋعا، جاڭا جۇمىس ورىندارىن قۇرۋعا جانە حالىقتىڭ ءال-اۋقاتىن ارتتىرۋعا ەلەۋلى سەرپىن بەرەدى»، دەدى ا. مامين.

پرەمەر-مينيستر ەكى اپتا ىشىندە كەشەندى جوسپاردىڭ جوباسىن رەسپۋبليكالىق بيۋدجەت كوميسسياسىنىڭ قاراۋىنا ەنگىزۋدى تاپسىردى، سودان كەيىن ماسەلە ۇكىمەت وتىرىسىندا تالقىلاناتىن بولادى.

1

ا. مامين سونداي-اق باتىس قازاقستان وبلىسىندا مۇناي-گاز جانە حيميا ونەركاسىبىن دامىتۋ ماسەلەلەرى بويىنشا وتاندىق جانە شەتەلدىك ينۆەستورلاردىڭ – KPO b.v.، Shell، Agip Karachaganak b.v، SRPM Resources Ltd.، Nostrum Oil&Gas، ABS-Munai جانە ت. ب. قاتىسۋىمەن جەكە كەڭەس وتكىزدى. ەكونوميكانىڭ اتالعان سالالارىندا جاڭا ينۆەستيتسيالىق جوبالاردى – مۇناي جانە گاز ءوندىرۋ كولەمىن ۇلعايتۋ، سونداي-اق ولاردى قايتا وڭدەۋ، ءموز، كالي تىڭايتقىشتارىن ءوندىرۋ كومبيناتىن سالۋ جانە ت. ب. ىسكە اسىرۋدىڭ جاي-كۇيى مەن پەرسپەكتيۆاسى قارالدى. قاراشىعاناق كەن ورنىنداعى ينۆەستيتسيالىق جوبالاردى ۋاقىتىلى ىسكە اسىرۋعا، سونىمەن قاتار ىشكى نارىقتى گازبەن قامتاماسىز ەتۋگە ەرەكشە نازار اۋدارىلدى.

جۇمىس ساپارى اياسىندا ا. مامين ورال قالاسىنداعى حالىقارالىق اۋەجايدى رەكونسترۋكتسيالاۋ بارىسىمەن تانىستى. جوبانى ىسكە اسىرۋ جولاۋشىلار اينالىمىن جىلىنا 200 مىڭنان 400 مىڭ جولاۋشىعا دەيىن 2 ەسەگە ارتتىرۋعا مۇمكىندىك بەرەدى. ونى 2021 جىلعى جەلتوقساندا پايدالانۋعا بەرۋ كوزدەلگەن.

ۇكىمەت باسشىسىنا باتىس قازاقستان وبلىسىنداعى اۆتوجولداردى رەكونسترۋكتسيالاۋ جانە جاڭعىرتۋ جوبالارىنىڭ ىسكە اسىرىلۋى، ءوڭىردىڭ ينجەنەرلىك-كوممۋنيكاتسيالىق جانە ەنەرگەتيكا ينفراقۇرىلىمىن دامىتۋ تۋرالى باياندالدى.

پرەمەر-مينيستر «باتىس سۋ ارناسى» كاسىپورىندارى مەن «جايىق ەت» جشس-دا، سونداي-اق تەرەكتى اۋدانىنىڭ تۇقپاي اۋىلىندا بولىپ، «نۇرلى جەر» باعدارلاماسى شەڭبەرىندە تۇرعىن ءۇي ينفراقۇرىلىمى قۇرىلىسىنىڭ بارىسىمەن، ءوڭىردىڭ اوك دامۋىمەن تانىستى.

بيىلعى جىلدىڭ 8 ايىندا باتىس قازاقستان وبلىسىندا قۇرىلىس جۇمىستارىنىڭ كولەمى وتكەن جىلدىڭ سايكەس كەزەڭىمەن سالىستىرعاندا 2،9%-عا ارتىپ، 88،5 ملرد تەڭگەنى قۇرادى. 302 مىڭ شارشى مەتر (+2،7%) تۇرعىن ءۇي پايدالانۋعا بەرىلدى. اۋىل شارۋاشىلىعىنىڭ جالپى ءونىمىنىڭ كولەمى 0،7%-عا ءوسىپ، 120،9 ملرد تەڭگەنى قۇرادى.

سونىمەن قاتار نەگىزگى كاپيتالعا سالىنعان ينۆەستيتسيالار كولەمى 29،2%-عا 214،2 ملرد تەڭگەگە دەيىن، ونەركاسىپتىك ءوندىرىس كولەمى 6،8%-عا تومەندەپ، 1،77 ترلن تەڭگەنى قۇرادى. تاۋ-كەن ونەركاسىبى ءوندىرىسىنىڭ كولەمى 6،9%-عا، وڭدەۋ ونەركاسىبىنىڭ ءوندىرىس كولەمى 12،8%-عا ازايدى. سونداي-اق حيميا ونەركاسىبى ونىمدەرىن ءوندىرۋ 1،5 ەسەگە،  دايىن مەتالل بۇيىمدارىن ءوندىرۋ 11،8%-عا ءوستى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار