بۇل تۋرالى قالالىق وتىن-ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ ايتتى. باس شاھارداعى جەكە مەنشىك سەكتوردى گازداندىرۋ جۇمىستارى دا جالعاسىپ جاتىر. قازىر شامامەن 5 مىڭ جەر ۇيگە قۇبىر تارتىلعان. جىل سوڭىنا دەيىن بۇل كورسەتكىش 3 ەسە ارتادى. بيىلعى جىلۋ ماۋسىمىندا قالاداعى 3 جىلۋ ەلەكتر ستانتسياسى دا, وتىنعا گاز قولداناتىن بولادى.
ەسىل اۋدانىنا قاراستى بىزدە تۇرعىن الاپتار بىزدە گازداندىرۋ 2022-2023 جىلدارعا دەيىن جوسپارلانعان. وعان نەگىزگى اكەلۋشى گازوپروۆود اينالما جولدىڭ بويىمەن "تەلمان" تۇرعىن الابى بۇرىلىسقا دەيىن بىزدە اكەلەتىن ۇلكەن گاز قۇبىرىن سالدىق. قاجەتتى گاز تاراتۋ ورتالىعىن سول جەرگە ورناتتى. بىزدە جالپى ەكىنشى كەزەكتە فەميلي ۆيللادج, گاردەن ۆيللادج, "پريگورودنىي" تۇرعىن الاپتارى, ءۇشىنشى كەزەكتە يلينكا مەن لەسوزاۆود, قالا ورتالىعىنداعى شۇبار تۇرعىن الابى گازداندىرىلادى», دەدى قالالىق وتىن-ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ
ال بيىل گازعا قوسىلا الماعان تۇرعىنداردى, جەرگىلىكتى بيلىك 12 مىڭنان استام توننا كومىرمەن قامتاماسىز ەتەدى. قارا وتىن ارنايى بەلگىلەنگەن 12 ساۋدا ورنىندا جازعى باعامەن ساتىلادى. اكىمدىكتەگىلەر الىپ-ساتارلاردان ساقتانۋعا شاقىرادى. كۇن سۋىتقانىن كۇتپەي-اق, الدىن الا ساتىپ الۋعا دا بولادى. ايتا كەتكەن ءجون, بيىل جالپى ۇزىندىعى 3,5 شاقىرىم جىلۋ جەلىسى جوندەلگەن. 50 شاقىرىمداي ەلەكتر جەلىسى مەن 5 شاقىرىم سۋ جانە كارىز قۇبىرلارى جاڭارتىلدى.
