14 رەت جالاۋى جەلبىرەگەن ايتۋلى جارىستا قازاقستان قۇراما كومانداسىنىڭ مۇشەلەرى وراسان زور تابىسقا قول جەتكىزىپ, جالپى كوماندالىق ەسەپتە ءبىرىنشى ورىندى يەلەندى. جەرلەستەرىمىز 12 التىن, 12 كۇمىس جانە 12 قولا مەدالدى يەلەندى. بارلىعى – 36 جۇلدە! قۇرالايدى كوزگە اتقان مەرگەندەر اراسىندا يسلام ۋسەينوۆ, نيكيتا شاحتورين, ەلدار يمانقۇلوۆ, الەكساندرا لە, سالتانات ازىمباەۆا جانە زۋحرا يرنازاروۆا اسقان شەبەرلىك تانىتىپ, جەرگىلىكتى جانكۇيەرلەردىڭ ىستىق ىقىلاسىنا بولەندى.
كوماندالىق ەسەپتە 17 جۇلدەسى بار (5 التىن+8 كۇمىس+4 قولا) وزبەكستان سپورتشىلارى ەكىنشى ورىن السا, ءۇشىنشى ساتىعا يندونەزيا قۇراماسى (5+3+0) جايعاستى.
