«حابار 24» جازۋىنشا, قالا كۇنى مەرەكەسىنە ارنالعان ونەر بايقاۋىنا قاتىسۋعا قازاقستان, وزبەكستان, بەلارۋس, ۋكراينا, فرانتسيا جانە باسقا دا ەلدەردەن 100 شاقتى ءوتىنىم تۇسكەن.
كورەرمەن نازارىنا 31 كارتينا ۇسىنىلدى.
قازىلار القاسىنىڭ قۇرامىندا مەرۋەت وتەكەشوۆا, سامال ەسلياموۆا, التىناي نوگەربەك, ەرلان نۇرمۇحامبەت, جەڭىسحان مومىشەۆ, تالعات تايشانوۆ, ايگۋل چەرەندينا, اسلانبەك گۋباشەۆ سىندى كينو الەمىنىڭ مايتالماندارى بار.
فەستيۆالدىڭ اشىلۋ سالتاناتىندا ش.ايمانوۆ اتىنداعى «قازاقفيلم» اق مەن Tokyo New Cinema تۇسىرگەن, «كونوكرادى. ۋاقىت جولدارى» ءفيلمىنىڭ تۇساۋكەسەرى ءوتتى.
«بىرىنشىدەن, مۇنداي فەستيۆالدەر كوبىنە الماتى, نۇر-سۇلتان سياقتى مەگوپوليستەردە عانا ۇيىمداستىرىلىپ كەلەدى. ال شاعىن قالالاردا وتپەيدى. ماسەلەن, كانن كينوفەستيۆالىن ۇيىمداستىرۋ ارقىلى فرانتسيانىڭ وسى قالاسى دۇنيەجۇزىنە تانىمال بولدى. حالقى نە بارى 74 مىڭ ادام. ياعني, تۇرعىندارى ءبىزدىڭ ورالدان 5 ەسەگە از. كانن وسى ءبىر عانا فەستيۆال ارقىلى ىرگەسىندەگى نيتستسا, مونتە-كارلو قالالارىنىڭ دا تۋريستىك-ەكونوميكالىق الەۋەتىنىڭ دامۋىنا سەرپىن بەردى. ءبىزدىڭ ماقسات ورالدا ءتۋريزمدى دامىتۋعا ۇلەس قوسۋ. ارينە, بىردەن بولا قويماس. دەسەك تە, ورال – وتە ادەمى قالا. كينو تۇسىرۋشىلەر ءۇشىن كامەرا نىسانىنا الاتىن وبەكتىلەر جەتەرلىك. وسى ورايدا ءحىح, حح عاسىردان ساقتالعان ارحيتەكتۋرالىق ەسكەرتكىشتەردى تانىستىرساق دەيمىز. بۇدان بولەك, ورالدان ەكسكليۋزيۆتى ونەرىمەن تانىلعان دارىندار مەن تالانتتار از ەمەس. وسى فەستيۆال ەندى كينو سالاسىنداعى جاڭا تولقىننىڭ شىعۋىنا سەپ بولادى دەگەن سەنىم بار», دەيدى فەستيۆال ديرەكتورى الپامىس شاريموۆ.
فەستيۆال اياسىندا مەرۋەرت وتەكەشوۆا, تالعات تايشانوۆ سىندى كينو مايتالماندارى شەبەرلىك ساعاتىن وتكىزدى.
