بريفينگ قر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ كونفەرەنتس-زالىندا ءوتتى. ونىڭ جۇمىسىنا تاياۋ جانە الىس شەت مەملەكەتتەردىڭ, حالىقارالىق ۇيىمداردىڭ 100-دەن استام وكىلدەرى قاتىستى, ولار باياندامالاردى ونلاين تىڭدادى, ونىڭ ىشىندە 30-عا جۋىعى وفلاين-فورماتتا قاتىستى.
«اشىقتىق پەن سىندارلى ديالوگ – مينيسترلىگىمىزدىڭ باستى ۇستانىمى. سونىمەن قاتار, ەل پرەزيدەنتى ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ باستالعاننان بەرى بۇل قاعيدات ءبىزدىڭ مينيسترلىك جەتەكشىلىك ەتەتىن بارلىق سالالارعا جاڭا سەرپىن بەردى», دەپ ايدا بالاەۆا بايانداماسىن باستادى.
ءمينيستردىڭ قاتىسۋىمەن 15-كە جۋىق ديالوگ الاڭدارى تۇراقتى جۇمىس ىستەيدى, ولار قوعامدىق بەلسەندىلەر, ساراپشىلار, بەيىندىك ۇكىمەتتىك ەمەس ۇيىمداردىڭ وكىلدەرىنەن تۇرادى.
ايدا بالاەۆا بۇل الاڭداردا قر اقدم قىزمەتىنىڭ نەگىزگى باعىتتارىن انىقتايتىن ءتيىمدى شەشىمدەر قابىلداناتىنىن اتاپ ءوتتى. مينيستر ديپلوماتيالىق كورپۋس پەن حالىقارالىق ۇيىمدار وكىلدەرىنە مينيسترلىكتىڭ اقپارات, ازاماتتىق قوعام, جاستار جانە وتباسى, ەتنوسارالىق جانە دياسپورالىق ساياسات, سونداي-اق ءدىن سالاسىندا جۇرگىزىپ جاتقان جۇمىستارى تۋرالى باياندادى.
ايدا بالاەۆا اقپارات, قوعامدىق كەڭەستەر ماسەلەلەرى بويىنشا جاڭا زاڭنامالىق وزگەرىستەر مەن تۇزەتۋلەرگە, سونداي-اق مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قوعامدىق باقىلاۋ, ونلاين-پەتيتسيا ينستيتۋتىن زاڭداستىرۋ, كوممەرتسيالىق ەمەس ۇيىمدار, ءدىني قىزمەت جانە ءدىني بىرلەستىكتەر, مەملەكەتتىك جاستار ساياساتى ماسەلەلەرى بويىنشا جاڭا زاڭنامالىق باستامالار تۋرالى ەگجەي-تەگجەيلى توقتالدى.
سونىمەن قاتار, ول وتكەن جىلى قر پرەزيدەنتىنىڭ جارلىعىمەن بەكىتىلگەن ازاماتتىق قوعامدى دامىتۋ تۇجىرىمداماسىن, سونداي-اق 2020-2022 جىلدارعا ارنالعان اقپارات سالاسىن دامىتۋدىڭ ۇلتتىق جوسپارىن ىسكە اسىرۋ, مەديا سالا ماماندارىن وقىتۋ, پاندەميا جاعدايىندا بۇقارالىق اقپارات قۇرالدارىن قولداۋ شارالارى جانە ينفودەميا جاعدايىندا فەيكتەردىڭ تارالۋىنا قارسى كۇرەس شارالارى تۋرالى ايتىپ بەردى. ءمينيستردىڭ شەتەلدىك ديپلوماتتارمەن كەزدەسۋى شەڭبەرىندە «ازاماتتىق باستامالاردى قولداۋ ورتالىعى» كەاق جانە «رۋحاني جاڭعىرۋ» ققدي» كەاق قىزمەتىنىڭ پرەزەنتاتسياسى وتكىزىلدى. «ابقو» كەاق باسقارما توراعاسى ليما دياس قازاقستانداعى مەملەكەت پەن ۇەۇ ءوزارا ءىس-قيمىل مەحانيزمىن جەتىلدىرۋ تۋرالى ماتەريالداردى تانىستىردى.
«رۋحاني جاڭعىرۋ» ققدي» كەاق باسقارما توراعاسى اسىلبەك ەسەنباەۆ ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن ىلگەرىلەتۋ ستراتەگياسىنا توقتالا كەتتى.
