«تالدىكول - سۋ وبەكتىسى. اكىمدىك ءوز قۇزىرەتى شەگىندە سۋ قورىنىڭ جەرلەرىن ەلدى مەكەندەردىڭ جەرلەرىنە اۋىستىرۋ تۋرالى قاۋلى شىعاردى. سۋ قورىنىڭ جەرلەرى باسقا ساناتتارعا تابيعي نەمەسە جاساندى تۇردە جويىلعان, سونداي-اق سۋ وبەكتىسىنىڭ كولەمى كىشىرەيگەن كەزدە اۋىستىرىلادى. كولدىڭ قاي بولىگى تابيعي سەبەپتەرمەن جوعالىپ كەتكەنىن, سۋ جيناۋ الاڭىن سالۋ ناتيجەسىندە كولدىڭ كولەمى قانشالىقتى كىشىرەيگەنىن زەرتتەۋ قاجەت. وسىعان بايلانىستى قوسىمشا زەرتتەۋلەر جۇرگىزۋ جانە ولاردىڭ ناتيجەلەرىن ەسكەرە وتىرىپ, تۇپكىلىكتى شەشىم قابىلدانۋى ءتيىس», دەلىنگەن مينيسترلىك حابارلاماسىندا.
سونىمەن قاتار, مينيسترلىك كىشى تالدىكول سۋ وبەكتىسى رەتىندە قالدىرىلسىن دەگەن ۇستانىم ءبىلدىردى.
«بۇل رەتتە, قالا قۇرىلىسىنىڭ سالدارىنان كولگە تۇسەتىن جاڭبىر جانە ەرىگەن سۋلاردىڭ اعىنى ازايعانىن نازارعا الا وتىرىپ, ونى قوسىمشا تولتىرۋ مەن اينالىمعا ەنگىزۋ بويىنشا شارالار قابىلداۋ قاجەت», دەدى ەكولوگيا مينيسترلىگى.
