دارىگەردىڭ ايتۋىنشا, كوروناۆيرۋستىق ينفەكتسيانىڭ تارالۋ قارقىنى بويىنشا رەسپۋبليكا وڭىرلەرىندەگى ەپيدەميولوگيالىق جاعدايدى باعالاۋ ماتريتساسىنا سايكەس 2021 جىلعى 16 قىركۇيەكتە اقمولا وبلىسى «قىزىل» ايماقتا بولۋىن جالعاستىرۋدا.
پاندەميا باستالعاننان بەرى كوكشەتاۋ قالاسىندا سovid-19 ينفەكتسياسى راستالعان 12187 وقيعا تىركەلدى. قىركۇيەكتىڭ 16-سى كۇنى - 577 جاعداي, ونىڭ ىشىندە وقۋشىلار اراسىندا 57 جاعداي انىقتالدى. سوڭعى تاۋلىكتە ۆيرۋس جۇقتىرعاندار سانى 36 جاعدايدى قۇرادى.
«بۇگىندە كوكشەتاۋدا توسەك قورىنىڭ جۇكتەمەسى 46%-دى قۇرايدى. 236 ادام اۋرۋحاناعا جاتقىزىلدى, 33 ناۋقاس رەانيماتسيادا, ەكى ناۋقاس وتتەگىنە تاۋەلدى. بۇل رەتتە ناۋقاستاردىڭ 99% ۆاكتسيناتسيالانباعان», دەپ ءتۇسىندىردى ق.ىسقاقوۆ.
كۆي اۋرۋىنىڭ تومەندەۋىنە بايلانىستى 100 توسەكتىك «كوكشەتاۋ تەمىر جول اۋرۋحاناسى» جشس مەن 60 توسەكتىك «كوكشەتاۋ قالالىق كوپ بەيىندى اۋرۋحاناسى» شجق مكك ستاتسيونارلارى جابىلدى. سونداي-اق 100 توسەكتىك كوپبەيىندى وبلىستىق اۋرۋحانا جانىنداعى ينفەكتسيالىق ستاتسيوناردى دا جابۋ جوسپارلانۋدا.
بۇعان دەيىن حابارلانعانداي, 16 قىركۇيەكتە وبلىستىڭ باس مەملەكەتتىك سانيتارلىق دارىگەرىنىڭ № 37 قاۋلىسى شىعارىلدى. سونداي-اق ق.ىسقاقوۆ كوكشەتاۋلىقتارعا جاڭا قۇجاتقا سايكەس مەكتەپكە دەيىنگى بالالار مەكەمەلەرىنىڭ, «بالداۋرەن» رەسپۋبليكالىق وقۋ-ساۋىقتىرۋ ورتالىعى» رمقك قىزمەتىنە رۇقسات ەتىلگەنىن ەسكە سالدى. قوعامدىق كولىك ەندى سەنبى, جەكسەنبى جانە مەرەكە كۇندەرى جۇمىس ىستەي الادى.
