ەكونوميكا • 17 قىركۇيەك، 2021

وڭىرلەردە استىق جيناۋ ناۋقانى قاشان اياقتالادى؟

94 رەت كورسەتىلدى

قر اشم قازاقستاندا استىق جيناۋ ناۋقانى قاشان اياقتالاتىنىن حابارلادى، دەپ جازادى Egemen.kz.

17 قىركۇيەكتەگى جاعداي بويىنشا 14،1 ملن گەكتار ەگىس القابىنداعى ءداندى جانە ءداندى-بۇرشاقتى داقىل جينالدى. ورتاشا ونىمدىلىك گەكتارىنا 9،2 تسەنتنەردەن اينالدى. بۇل 2020 جىلعى دەڭگەيدەن 22،8%-عا تومەن (وتكەن جىلدىڭ سايكەس كەزەڭىندە ورتاشا ونىمدىلىك گەكتارىنا 11،9 تسەنتنەردەن اينالدى). ءدال بۇگىنگى كۇنگە دەيىن جالپى 13 ملن توننا استىق جينالدى، ونىڭ 10،4 ملن تونناسى بيداي.

سونداي-اق 197،8 مىڭ توننا مايلى داقىل، 2 142،7 مىڭ توننا كارتوپ، 3 730،1 مىڭ توننا كوكونىس داقىلدارى، 2 581،3 مىڭ توننا باقشا داقىلدارى جينالدى.

ەگىن ەگەتىن نەگىزگى ءۇش ءوڭىر – اقمولا، قوستاناي جانە سولتۇستىك قازاقستان وبلىستارىندا 10،6 ملن گەكتار ەگىس القابى جينالدى. بۇل جالپى الاڭنىڭ 91،4%-ى. ورتاشا ونىمدىلىك گەكتارىنا 8،4 تسەنتنەردى قۇراپ، 8،9 ملن توننا ءونىم جينالدى.  

استىقتىڭ جالپى ءتۇسىمى 15،3 ملن تونناعا جەتەدى دەگەن بولجام بار. سونىڭ ىشىندە بيدايدىڭ ءتۇسىمى 10،5 ملن تونناعا جۋىقتاۋى مۇمكىن.  قر ۇلتتىق ستاتيستيكا بيۋروسىنىڭ دەرەكتەرىنە سايكەس، 2021 جىلدىڭ 1 تامىزىنداعى جاعداي بويىنشا رەسپۋبليكادا ءداندى جانە ءداندى-بۇرشاقتى داقىلدار 3،5 ملن توننا، ونىڭ ىشىندە بيداي 2،8 ملن توننا بولعان. وتكەن جىلدان قالعان استىقتى ەسەپتەگەندە شامامەن 18،8 ملن توننا استىق بار. ونىڭ 13،3 ملن تونناسى بيداي.

استىقتىڭ قاجەتتىلىك ەسەپتەرىنە سايكەس، ىشكى تۇتىنۋعا 7،6 ملن توننا بيداي، ونىڭ ىشىندە ازىق-ت ۇلىك قاجەتتىلىكتەرىنە 3 ملن توننا، جەمگە 2 ملن توننا، تۇقىمعا 1،8 ملن توننا، ونەركاسىپتىك وڭدەۋگە 0،8 ملن توننا استىق قاجەت.

بيدايدىڭ ەكسپورتتىق الەۋەتى ۇندى قوسا ەسەپتەگەندە شامامەن 5،5-6 ملن توننا كولەمىندە باعالانىپ وتىر.

كوكتەمگى ەگىن ەگۋ جانە كۇزگى جيىن-تەرىم جۇمىستارىن جۇرگىزەتىن فەرمەرلەرگە مەملەكەتتىك قولداۋ كورسەتۋ اياسىندا قارجى جەتكىلىكتى دەڭگەيدە بولىنەدى. ازىق-ت ۇلىك كەلىسىمشارت كورپوراتسياسى اۋىل شارۋاشىلىعى ونىمدەرىن فورۆاردتىق ساتىپ الۋدى جۇزەگە اسىرادى.

ۆەدومستۆو مينەرالدى تىڭايتقىش، تۇقىم، پەستيتسيد ساتىپ العان شارۋالارعا سۋبسيديا بەرەدى. سونداي-اق، سۋارمالى جەرگە جۇمسالاتىن سۋ شىعىنىنىڭ ءبىر بولىگىن وتەيدى. ينۆەستيتسيالىق سۋبسيديا باعدارلاماسى اياسىندا تەحنيكا ساتىپ العان، اۋىل شارۋاشىلىعى ونىمدەرىن ساقتاۋ جانە قايتا وڭدەۋ وبەكتىلەرىن قۇرعان، جىلىجايلار مەن وسىمدىك باقتارىن سالعان، سۋارۋ جۇيەلەرىن قۇرعان ءارى كەڭەيتكەن جانە تاعى باسقا دا ىرگەلى ىستەردى قولعان فەرمەرلەر شىعىندارىنىڭ ءبىر بولىگى وتەلەدى.

ەگىن جيناۋ جۇمىستارىن ۋاقىتىلى اتقارۋ ءۇشىن فەرمەرلەرگە 396،5 مىڭ توننا جەڭىلدەتىلگەن ديزەل وتىنى ءبولىندى. 2021 جىلدىڭ 16 قىركۇيەگىندەگى جاعداي بويىنشا 247،5 مىڭ توننا (62%) جەتكىزىلدى. مۇناي وڭدەۋ زاۋىتىنداعى وتىننىڭ ءليترى 156 تەڭگە (تونناسى 189،0 مىڭ تەڭگە)، وپەراتورلاردىڭ جەتكىزۋ قىزمەتىنىڭ قۇنىن قوسا ەسەپتەگەندە دە ديزەل وتىنىنىڭ وڭىرلەردەگى ورتاشا باعاسى قىمبات ەمەس. شارۋالار ديزەل وتىنىنىڭ ءبىر ءليترىن 177 تەڭگەدەن الادى.  

رەسپۋبليكادا سىيىمدىلىعى 28،8 ملن توننا استىق ساقتايتىن مۇمكىندىك بار.  ونىڭ ىشىندە استىق قابىلداۋ كاسىپورىندارىندا 12 ملن توننا، فەرمەرلەردە 16،8 ملن توننا استىق ساقتايتىن ورىن بار.

بيىلعى ەگىن جيناۋ ناۋقانى شتاتتىق رەجيمدە جانە جوسپارلانعان كەستەگە سايكەس ءجۇرىپ جاتىر. جۇمىستى ۋاقىتىندا اتقارۋعا قاتىستى بارلىق ماسەلەلەر اۋىل شارۋاشىلىعى مينيسترلىگىنىڭ تۇراقتى باقىلاۋىندا. ءتيىستى مونيتورينگ پەن تالداۋ جاسالىپ وتىرادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار