اقتوبەلىك ءۇش تۇرعىن باس سانيتاردىڭ كوروناۆيرۋسقا قارسى ۆاكتسينا الماعان قىزمەتكەرلەردى جۇمىسقا جىبەرمەۋ تۋرالى قاۋلىسىنىڭ كۇشىن جويۋدى تالاپ ەتتى. ارىزدانۋشىلاردىڭ ايتۋىنشا, مۇنداي تالاپتار زاڭعا قايشى.
اقتوبە قالاسىنىڭ اكىمشىلىك سوتى ەرلان قياسوۆتىڭ جۇمىس ورنى نۇر-سۇلتان قالاسىندا ەكەنىن العا تارتىپ, ءۇش تۇرعىننىڭ قارسىلىعىن تۋعىزعان قاۋلىنىڭ دا سول قالادان شىققانىن جەتكىزگەن. وسىعان بايلانىستى ارىز-شاعىمدى نۇر-سۇلتان قالاسىنىڭ ماماندىرىلعان اۋدانارالىق اكىمشىلىك سوتىنا جىبەرۋ تۋرالى شەشىم قابىلدانعان.
ەسكە سالايىق, 3 قىركۇيەكتە قازاقستاننىڭ باس سانيتار دارىگەرى ەرلان قيسياوۆ جاڭا قاۋلىعا قول قويدى. قۇجاتتا 6 قىركۇيەكتەن باستاپ ۆاكتسينا الماعان قىزمەتكەرلەرىن شتاتتىق جۇمىسقا جىبەرمەۋگە مىندەتتەلەگەن نىسانداردىڭ ءتىزىمى وزگەرەتىنى ايتىلعان.
