رۋحانيات • 16 قىركۇيەك، 2021

ءتىل جاناشىرلارى – تۇعىردا

80 رەت كورسەتىلدى

كەنشىلەر استاناسىندا قازاقستان حالقى تىلدەرى كۇنى مەرەكەسىنە وراي ء«تىل جاناشىرى» وبلىستىق بايقاۋىنىڭ قورىتىندىسى جاريالاندى. ارنايى قۇرىلعان كوميسسيا كونكۋرسقا كەلىپ تۇسكەن 38 ءوتىنىمنىڭ ىشىنەن سەگىز لاۋرەاتتىڭ ەسىمىن اتادى.

بيىل 10-رەت ۇيىمداستىرىلعان بۇل بايقاۋدا ءتۇرلى سالا جانە ەتنو­ما­دە­ني ورتالىقتاردىڭ وكىلدەرى باق سىنادى. ال ءىس-شارانىڭ نەگىزگى ماقساتى مەملەكەتتىك ءتىل ساياساتىن جۇزەگە اسى­رۋ­عا باعىتتالعان ەدى.

كونكۋرستىڭ ء«تىل مايتالمانى» اتتى باس نوميناتسياسىندا تانىمال تاريحشى-ولكەتانۋشى، «قاراعاندى وبلىسىنىڭ توپونوميكالىق كارتاسى» زەرتتەۋ جوباسىنىڭ عىلىمي جەتەكشىسى تەمىرعالي ارشابەكوۆتىڭ ايى وڭىنان تۋدى.

سونىمەن قاتار اتالعان بايقاۋدىڭ «مەملەكەتتىك ءتىل – مەملەكەتتىك قىز­مەتتە» اتالىمىندا قاراعاندى وب­لىس­تىق پوليتسيا دەپارتامەنتىنىڭ رەسمي وكىلى باقىتجان قۇدياروۆ، ء«تىل جارشىسى» نوميناتسياسى بويىنشا Ortalyq Qazaqstan وبلىستىق گازەتىنىڭ ءتىلشىسى جالەل شالقاروۆ، «ۇزدىك تەلەحابار» اتالىمىندا Saryarqa تەلەارناسىنىڭ قىزمەتكەرى ماقسات بەيسەناەۆ ۇزدىك شىقتى. تەمىرتاۋ قالاسىنداعى «وكجەتپەس-ت» جشس قىزمەتكەرى ەكاتەرينا پونومارەنكو ء«تىل بىلگىرى» اتانسا، ساران قالالىق تىلدەردى دامىتۋ ورتالىعىنىڭ وقىتۋشىسى ايگەرىم تۇركەنوۆا «جاس پوليگلوت» اتالىمىندا جەڭىمپاز اتاندى.

«مەملەكەتتىك ءتىل بيزنەستە» سىنىندا «Arda Media Group» ورتالىعىنىڭ ديرەكتورى اسحات تىلەۋقۇلوۆ جۇلدەگە ىلىكسە، قاراعاندى تەحنيكالىق ۋني­ۆەر­سيتەتىنىڭ وقىتۋشىسى قارلىعاش حامزينانىڭ مەرەيى «ۇزدىك وقى­­تۋشى» اتالىمىندا ۇستەم بولدى. جە­ڭىم­پازدار العىس حاتتارمەن جانە اق­شا­لاي سىيلىقپەن ماراپاتتالدى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار