«قورشاعان ورتا لاستانۋىنىڭ ءۇش نەگىزگى كوزى بار. ءبىرىنشى كەزەكتە - ءتۇرلى قالدىقتار. ەكىنشى – جەو (جىلۋ ەلەكتر ورتالىعى), سەبەبى ول كومىرمەن جۇمىس ىستەيدى. بۇگىنگى تاڭدا ەلىمىز بويىنشا ءتورت قازاندىق گازعا اۋىستىرىلدى. جىل سوڭىنا دەيىن گازعا اۋىساتىن قازاندىقتاردىڭ سانىن 12-گە جەتكىزەمىز. سونىمەن قاتار, قالا اۋماقتارىندا 160-قا جۋىق قازاندىق بار, ونىڭ ماسەلەسىن اكىمدىك شەشۋى كەرەك. ودان بولەك, اۆتوكولىك ماسەلەسى بار. بۇل جەردە دە بىرقاتار پروبلەما بار, ونىڭ ىشىندە بەنزيننىڭ ساپاسىنا دا قاتىستى. وسىعان دەيىن ەلىمىزدە قۇزىرەتتى ورگان بولعان جوق. بۇگىنگى تاڭدا بەنزيننىڭ ساپاسىن تەكسەرەتىن قۇزىرەتتى ورگان انىقتالدى», دەدى ز.جولداسوۆ وكق-دە وتكەن ءباسپاسوز ءماسليحاتىندا.
كوميتەت باسشىسىنىڭ سوزىنشە, بۇگىندە ەلورداداعى جەڭىل اۆتوكولىكتەردىڭ 50 پايىزى ەۋرو-4 جانە ەۋرو-5 ستاندارتىنا جاتادى. «اتالعان ستاندارتقا سايكەس كەلەتىن كولىك سانىن كوبەيتۋ قاجەت. ول ءۇشىن باقىلاۋ جۇرگىزۋ قاجەت. ياعني اۆتوموبيلدەردى باقىلاۋ جانە تەحنيكالىق بايقاۋ جاعدايلارىن جاقسارتۋ كەرەك», دەيدى ول.
