ەكونوميكا • 15 قىركۇيەك، 2021

بيرجاداعى ساۋدا قىزىپ تۇر

61 رەت كورسەتىلدى

«استانا» حالىقارالىق قارجى ورتالىعىنىڭ بيرجاسىنداعى (AIX) ساۋدا-ساتتىق قىزىپ تۇر. وتكەن جىلدىڭ قاڭتار-تامىز ايلارىنداعى جاعدايمەن سالىستىرعاندا، بيىلعى 8 ايدا بيرجاداعى ساۋدا-ساتتىق كولەمى 3،5 ەسە وسكەن. بۇل رەتتە تامىز ايىنداعى كورسەتكىش 12 095 605،8 دوللاردى قۇراعان.

2021 جىلعى تامىزدىڭ سوڭىنداعى جاعداي بويىنشا، AIX بيرجاسىنىڭ رەسمي تىزىمىنە 65 ءتۇرلى ەميتەنتتىڭ 103 باعالى قاعازدار شىعارىلىمى كىرىپ وتىر. وندا ساۋدا جاسايتىن بروكەرلەردىڭ 18-ءى – قازاقستاندىق، 11-ءى – حالىقارالىق. بيرجانىڭ ورتالىق دەپوزيتاريىندە ينۆەستورلاردىڭ 141 مىڭنان استام شوتى اشىلعان.

شىلدەدە BI Group-تىڭ ەنشىلەس كومپانياسى «مەگاستروي» جشس 6،3 ملرد تەڭگەلىك قۇندى قاعازدارىن ءساتتى ورنالاستىرعان. بۇل – العاشقى ترانش. بورىشتىق قۇرالدار باعدارلاماسى بويىنشا 20 ملرد تەڭگەنى قۇرايدى. قۇرىلىس سەكتورىنىڭ تاعى ءبىر وكىلى «پروەكت ەنس» جشس-دا بورىشتىق قۇرالدارىن شىعاردى. بۇلار – 3،7 ملن دوللار كولەمىندەگى جانە 350 ملن تەڭگە كولەمىندەگى وبليگاتسيالار.

تامىز ايىنىڭ سوڭىندا احقو بيرجاسىندا ۇلەستىك قۇرالدار ليستينگى بار كومپانيالاردىڭ («قازاتومونەركاسىپ»، «پوليمەتالل»، «حالىق بانك»، Ferro-Alloy Resources Limited، «بانك تسەنتركرەديت»، Kaspi.kz، Kcell) جالپى نارىقتىق كاپيتاليزاتسياسى 44 ملرد دوللاردان استى.

وسى جىلدىڭ 1 شىلدەسىندە AIX Qazaq Index (AIXQI) ىسكە قوسىلدى. ول بيزنەسى قازاقستانمەن بايلانىس­تى كومپانيالار اكتسيالارىنىڭ كورسەتكىشتەرىن ولشەيدى جانە نارىقتىق كاپيتالداندىرۋ بويىنشا مولشەرلەنگەن يندەكستى ۇسىنادى. يندەكس قۇرامىنا AIX، KASE جانە LSE بيرجالارىندا ساۋدالاناتىن سەگىز قازاقستاندىق كومپانيانىڭ اكتسيالارى مەن جاھاندىق دەپوزيتارلىق قولحاتتارى كىردى.

جۇمىسىن 1000 پۋنكت بەلگىسىنەن باستاعان AIXQI العاشقى ايدى 993،93 پۋنكت بەلگىسىندە اياقتادى. شىلدەنىڭ قورىتىندىسى بويىنشا كورسەتكىش 0،61 پايىزعا ءسال-ءپال تومەندەگەن. تامىز ايىندا AIXQI يندەكسى شىلدەمەن سالىستىرعاندا الدەقايدا جاقسارىپ، ايدى 1034،42 پۋنكت دەڭگەيىندە اياقتادى. ءوسىم – 4،07 پايىز.

يندەكس قۇرامىنا كىرەتىن 8 كوم­پا­نيانىڭ 6-اۋى تامىز ايىن وسىممەن ءتامام­دادى. ونىڭ ىشىندە بانك سەكتورىنان «تسەنتركرەديت بانكى» مەن «حالىق بانك­تىڭ» اكتسيالارى ۇزدىك ديناميكانى كور­سەتتى. ولاردىڭ ءوسۋى تيىسىنشە 14،74 پايىز­دى جانە 13،25 پايىزدى قۇرادى.

سونداي-اق «قازاقتەلەكومنىڭ» اكتسيالارى دا ايتارلىقتاي ءوسىم كورسەتتى – 12،75 پايىز. «قازاتومونەركاسىپ» اكتسيا­لارى 7،99 پايىزعا ءوستى. ۋران ءوندىرۋشى ۇلتتىق كومپانيا 2021 جىلدىڭ 6 ايىندا سالىستىرمالى تۇردە الدەقايدا جاقسى قارجىلىق ناتيجەلەر كورسەتتى جانە اكتسيونەرلەرگە 2020 جىل ءۇشىن ديۆيدەند رەتىندە 150 ملرد تەڭگەدەن استام تولەم اۋدارىلعانىن حابارلادى.

Central Asia Metal (+0،91 پايىز) جانە Kaspi (+0،68 پايىز) اكتسيالارىنىڭ قۇنى شامالى عانا وزگەردى. تەرىس ءمان كورسەتكەن 2 كومپانيا بار. ولار – «قازترانسويل» جانە «پوليمەتالل». قوس كومپانيانىڭ اكتسيالارى تيىسىنشە 5،73 جانە 7،89 پايىزعا تومەندەگەن.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار