فورۋم نۇرسۇلتان نازارباەۆ قورى, قازاقستاننىڭ لوندونداعى ەلشىلىگى, Youth Fusion جاستار ۇيىمىنىڭ يادرولىق قارۋدى تاراتپاۋ جانە جويۋ جونىندەگى پارلامەنتشىلەرى (PNND) بىرلەسىپ ۇيىمداستىرعان شارا «گيبريدتى تۇردە» ءوتتى. بۇل ونىڭ جۇمىسىنا قاتىسۋشىلاردىڭ سانىن شەكتەمەۋگە مۇمكىندىك بەردى.
قازىرگى ۇردىستەر مەن بولىپ جاتقان شىناي احۋالدى ەسكەرە وتىرىپ, تالقىلاۋ يادرولىق قاتەرلەر مەن جاھاندىق كليماتتىق وزگەرىستەر پروبلەماسى اراسىنداعى بايلانىس ماسەلەسىنە ارنالدى.
قازاقستان پرەمەر-ءمينيسترىنىڭ ورىنباسارى – سىرتقى ىستەر ءمينيسترى م.تىلەۋبەردى, نۇرسۇلتان نازارباەۆ قورى اتقارۋشى ديرەكتورىنىڭ ورىنباسارى ا.مارعۇلان ۇلى, سونداي-اق يادرولىق سىناقتارعا جاپپاي تىيىم سالۋ تۋرالى شارتتىڭ اتقارۋشى ديرەكتورى روبەرت فلويد قاتىسۋشىلاردى بەينەۇندەۋ ارقىلى قۇتتىقتادى.
ءىس-شاراعا ۇلىبريتانيا, فرانتسيا جانە باسقا ەلدەردىڭ پارلامەنت مۇشەلەرى بەلسەندى قاتىستى. فورۋمعا بەلسەندى قاتىسۋشىلاردىڭ اراسىندا ۇلىبريتانيانىڭ ەڭبەك پارتياسىنىڭ بۇرىنعى جەتەكشىسى دجەرەمي كوربين بولدى.
جوعارى قاتىسۋشىلار جاھاندىق يادرولىق قارۋسىزدانۋدى ىلگەرىلەتۋدەگى قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ تاريحي ميسسياسى مەن ءرولىن ەرەكشە اتاپ ءوتتى.
كونفەرەنتسياعا قاتىسۋشىلار سەمەي يادرولىق پوليگونىندا 1949-1991 جىلدار ارالىعىندا جۇرگىزىلگەن سىناقتار ول جابىلعاننان كەيىن دە قازاقستاننىڭ ەكوجۇيەسىنە ەلەۋلى زيان كەلتىرىپ جاتقانىن ايتتى.
تالقىلاۋ بارىسىندا ءبىزدىڭ زامانىمىزدىڭ ەڭ وتكىر ەكى جاھاندىق پروبلەماسى ايتىلدى. ولار: كليماتتىڭ وزگەرۋى مەن يادرولىق سوعىس قاۋپى – ادامزاتتىڭ ءومىر ءسۇرۋى مەن ءال-اۋقاتىنا ەكزيستەنتسيالدى قاتەر توندىرەتىنى, ءبىر-بىرىنە قاۋىپتى تۇردە اسەر ەتەتىندىگى باياندالدى.
كونفەرەنتسياعا 60-قا جۋىق دەلەگات تىكەلەي قاتىستى, ال ونلاين بايلانىس ارقىلى قاتىسقانداردىڭ سانى 400-گە جۋىق.
