قازاقستاننىڭ تۇڭعىش پرەزيدەنتى الەۋمەتتىك-مادەني نىسانداردى ارالاماس بۇرىن جامبىل وبلىسىنىڭ اكىمى بەردىبەك ساپارباەۆپەن كەزدەستى. كەزدەسۋ بارىسىندا ەلباسىنا اسكەري قويمالارداعى جارىلىستاردان زارداپ شەككەن بايزاق اۋدانىنىڭ تۇرعىندارىنا قالپىنا كەلتىرۋ جۇمىستارىنىڭ بارىسى مەن كومەك كورسەتۋ بويىنشا قابىلدانىپ جاتقان شارالار تۋرالى مالىمەت بەرىلدى.
سونداي-اق, جامبىل وبلىسىنىڭ اكىمى ەلباسىنا ءوڭىردىڭ الەۋمەتتىك-ەكونوميكالىق دامۋى, Nur Otan پارتياسىنىڭ سايلاۋالدى باعدارلاماسىنىڭ ىسكە اسىرىلۋ بارىسى مەن اگرارلىق سەكتورداعى جانە حالىقتى جۇمىسپەن قامتۋ ماسەلەلەرىن شەشۋگە باعىتتالعان شارالار تۋرالى اقپارات ۇسىندى. قازاقستاننىڭ تۇڭعىش پرەزيدەنتى ءوڭىر باسشىلىعىنىڭ جۇمىسىنا وڭ باعا بەردى.
كەزدەسۋدەن كەيىن نۇرسۇلتان نازارباەۆ ء«الجان انا» تاريحي مۋزەيىنىڭ قىزمەتىمەن تانىسىپ, مەكەمە اۋماعىندا اعاش وتىرعىزۋ راسىمىنە قاتىستى. سونىمەن قاتار, قازاقستاننىڭ تۇڭعىش پرەزيدەنتى كىتاپحانا مەن ءتۇرلى ۇيىرمەلەر جۇمىس ىستەيتىن اۋىلدىق مادەنيەت ۇيىندە بولدى.
قازاقستاننىڭ تۇڭعىش پرەزيدەنتى سپورتتىق-ساۋىقتىرۋ كەشەنىنىڭ جۇمىسىمەن دە تانىستى. كەشەنگە ۇلكەن ارەنا, امبەباپ زال, بوكس جانە كۇرەس زالى كىرەدى. قازىرگى ۋاقىتتا سپورتتىق-ساۋىقتىرۋ كەشەنىندە سپورتتىڭ التى ءتۇرى: ەركىن كۇرەس, تاەكۆوندو, كاراتە, ۆولەيبول, فۋتبول, بوكس بويىنشا 400-دەن استام بالالار مەن جاسوسپىرىمدەر جاتتىعۋدا.
