ەلوردا • 14 قىركۇيەك، 2021

ەلوردا اكىمدىگىنىڭ الدىنداعى الاڭ ساياباققا اينالادى

96 رەت كورسەتىلدى

ەلوردا اكىمدىگى الدىنداعى الاڭ اباتتاندىرىلا باستايدى، دەپ حابارلايدى Egemen.kz قالالىق ساۋلەت، قالا قۇرىلىسى جانە جەر قاتىناستارى باسقارماسىنىڭ ءباسپاسوز قىزمەتىنە سىلتەمە جاساپ.

«اكىمدىك الدىنداعى الاڭ جوندەۋ جۇمىستارىنان وتكىزىلەدى. بەتون بلوكتارى مەن بوس اۋماقتىڭ ورنىنا «قالالىق ورمان» پايدا بولدى. كۇزگى وتىرعىزۋ اياسىندا بارلىعى 200-گە جۋىق اعاش وتىرعىزۋ جوسپارلانعان. كوگالداندىرۋ الاڭى - 770،3 م2»، دەپ حابارلادى باسقارمادان.

سونىمەن قاتار، لاندشافتى ارالدار قۇرىلىپ، كوپجىلدىق بۇتالار مەن گۇلدەر وتىرعىزۋ جوسپارلانعان. الاڭنىڭ اۋماعىن كوگالداندىرۋمەن قاتار، باسقا بولىگىندە سۋبۇرقاق كەشەنى مەن امفيتەاتر سالۋ جۇمىستارى جۇرگىزىلۋدە. مۇندا مۇنارا ىسپەتتەس فونتان ورناتۋ جوسپارلانۋدا.

«بوس جەرلەر مەن قاراۋسىز قالعان ۋچاسكەلەردە جايلى ساياباقتار مەن قوعامدىق كەڭىستىكتەر پايدا بولۋى مۇمكىن، وندا قالا تۇرعىندارى سۋبۇرقاقتاردىڭ جانىندا سالقىنداۋعا نەمەسە اعاشتاردىڭ كولەڭكەسىندە دەمالۋعا بولادى. مۇنى ءبىز قالا بويىنشا پايدا بولاتىن تارتىلىس نۇكتەلەرىنىڭ، سول ساحنالاردىڭ، ەمەن اللەيالارىنىڭ، سەرۋەندەۋ ساياباقتارىنىڭ مىسالىنان كورەمىز. ىڭعايلى قالالىق ورتا ادامنىڭ مىنەز-قۇلقىن قالىپتاستىرادى»، دەپ اتاپ ءوتتى نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ۇرانحاەۆ.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار