ەلگە ورالعان قازاقتار پاۆلودار, قوستاناي, اقمولا, شىعىس قازاقستان جانە سولتۇستىك قازاقستان وبلىستارىنىڭ بىرىنە مەكەندەي الادى. بۇل تۋرالى Informburo سايتى جازدى.
سونىمەن قاتار ءار وتباسىنا 204 مىڭ تەڭگەدەن بەرىلەدى. بۇعان قوسا, ءبىر جىل بويى اي سايىن باسپانا جالداۋعا 87 500 تەڭگە قارجىلاي كومەك كورسەتىلەدى.
الماتى قالاسى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلىنىڭ ايتۋىنشا, جوعارىدا اتالعان جەڭىلدىكتەر اۋعانستان قازاقتارى اتالعان وبلىستارعا قونىستانسا عانا بەرىلەدى.
«بۇعان دەيىن ولاردىڭ الماتىداعى قوناق ۇيلەردىڭ بىرىنە ورنالاسقانى حابارلانعان ەدى. ولار مۇندا 24 قىركۇيەككە دەيىن بولادى. سوعان دەيىن ولار قاي وڭىرگە بارىپ قونىستاناتىنىن شەشۋى ءتيىس», دەپ جازادى ورتالىق ازيانىڭ جاڭالىقتار قىزمەتى.
بيلىك ديپلومى بارلارىنا ماماندىعى بويىنشا جۇمىسقا تۇرۋىنا كومەكتەسەتىنىن, ءبىلىمى جوقتاردى ارنايى كۋرستا وقىتۋدى جوسپارلاپ وتىرعانىن ايتتى.
