قازاقستان • 14 قىركۇيەك، 2021

سەنات توراعاسى ەقىۇ-نىڭ باق بوستاندىعى جونىندەگى وكىلىمەن كەزدەستى

62 رەت كورسەتىلدى

سەنات توراعاسى ماۋلەن اشىمباەۆ ەقىۇ-نىڭ باق بوستاندىعى جونىندەگى وكىلى تەرەزا ريبەيرومەن كەزدەستى. كەزدەسۋ بارىسىندا سەنات سپيكەرى قازاقستان ەقىۇ-نىڭ قاۋىپسىزدىك، ونىڭ ىشىندە ءسوز بوستاندىعىن قامتاماسىز ەتۋ جونىندەگى نەگىزگى باعىتتارىن ىلگەرىلەتۋگە مۇددەلى ەكەنىن اتاپ ءوتتى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

«ەقىۇ-نىڭ استانا دەكلاراتسياسى قابىلدانعالى بەرى 10 جىل ۋاقىت ءوتتى. بۇل قۇجاتتا ەۋرواتلانتيكالىق جانە ەۋرازيالىق قوعامداستىق ەلدەرى ءۇشىن قاۋىپسىزدىكتىڭ بولىنبەيتىندىگى تۋرالى نەگىزگى تەزيس جازىلعان. قازاقستان ەقىۇ قابىلداعان قاۋىپسىزدىكتىڭ نەگىزگى ءۇش باعىتى: اسكەري-ساياسي، ەكونوميكالىق-ەكولوگيالىق جانە گۋمانيتارلىق سالالاردىڭ ماڭىزدىلىعىن ۇنەمى باستى نازاردا ۇستاپ كەلەدى. سوندىقتان ءبىز ءسوز بوستاندىعىن قامتاماسىز ەتۋ جانە باق ماسەلەلەرىنە ەرەكشە ءمان بەرەمىز»، دەدى ماۋلەن اشىمباەۆ.

سونىمەن قاتار سەنات توراعاسى ەلىمىزدە ازاماتتاردىڭ ءسوز بوستاندىعى بويىنشا قۇقىقتارىن قامتاماسىز ەتۋدى ودان ءارى جەتىلدىرۋ ءۇشىن جۇيەلى جۇمىس جۇرگىزىلىپ كەلە جاتقانىن ايتتى. سونداي-اق وتاندىق مەديانى جاڭعىرتۋ جانە باسەكەگە قابىلەتتى قازاقستاندىق باق-تى دامىتۋ ءۇشىن دە ءتيىستى جاعدايلار جاسالىپ جاتقانىنا نازار اۋداردى. ول ءۇشىن «اقپاراتقا قول جەتكىزۋ تۋرالى» جانە «باق تۋرالى» زاڭدار قابىلداندى. ودان بولەك، قازاقستان باق سالاسىنداعى حالىقارالىق قۇجاتتار بازاسىن راتيفيكاتسيالادى. ونىڭ ىشىندە ازاماتتىق جانە ساياسي قۇقىقتار تۋرالى حالىقارالىق پاكت، ادام قۇقىقتارىنىڭ جالپىعا بىردەي دەكلاراتسياسى جانە ەقىۇ مەن يۋنەسكو-نىڭ باسقا دا قۇجاتتارى بار.

سۇحبات بارىسىندا «حالىق ۇنىنە قۇلاق اساتىن مەملەكەت» تۇجىرىمداماسى اياسىندا قازاقستان پرەزيدەنتى قاسىم-جومارت توقاەۆتىڭ باستاماسىمەن قولعا الىنعان جۇيەلى رەفورمالار جايى دا ءسوز بولدى. ماۋلەن اشىمباەۆ ول رەفورمالاردى ىسكە اسىرۋدا پارلامەنت ماڭىزدى ءرول اتقاراتىنىن اتاپ ءوتتى.

«پرەزيدەنتىمىزدىڭ ەلىمىزدى جاڭعىرتۋ باعدارى اياسىندا ساياسي رەفورمالاردىڭ ءۇش توپتاماسى ۇسىنىلدى. قازىرگى تاڭدا مەملەكەتتىك ورگانداردىڭ اشىقتىعى مەن قوعام الدىنداعى ەسەپتىلىگىن ارتتىرۋعا ارنالعان «قوعامدىق باقىلاۋ تۋرالى» زاڭ جوباسى ازىرلەنىپ جاتىر. ادام قۇقىقتارىن قورعاۋ سالاسىن كۇشەيتۋگە باسا ءمان بەرىلۋدە. سونداي-اق ازاپتاۋلارعا قارسى جانە ادام ساۋداسىمەن كۇرەس، ازاماتتاردى، اسىرەسە بالالاردى كيبەربۋللينگتەن قورعاۋ جونىندەگى زاڭنامالاردى جەتىلدىرۋ بويىنشا جۇمىس جۇرگىزىلىپ كەلەدى»، دەدى ماۋلەن اشىمباەۆ.

سەنات سپيكەرىنىڭ ايتۋىنشا، الەم بويىنشا تسيفرلىق مەديا-ورتانى دامىتۋ ازاماتتاردىڭ ءسوز بوستاندىعىن قامتاماسىز ەتۋدىڭ شەشۋشى فاكتورىنا اينالدى. زاماناۋي مەديا تەحنولوگيالار جانە ولاردىڭ دامۋى ءبىر جاعىنان جاڭا مۇمكىندىكتەرگە جول اشسا، ەكىنشى جاعىنان ءتۇرلى سىن-قاتەرلەردى دە تۋدىرعانى ءسوزسىز. ماۋلەن اشىمباەۆ بۇل ماسەلەلەردى ءتيىمدى شەشۋ ءۇشىن حالىقارالىق قوعامداستىق بەلسەندىلىك تانىتۋعا ءتيىس ەكەنىن تىلگە تيەك ەتتى.

كەزدەسۋ سوڭىندا سەنات توراعاسى ەقىۇ وكىلى تەرەزا ريبەيرونىڭ ەلىمىزگە ساپارى قازاقستان مەن ۇيىمنىڭ ىنتىماقتاستىعىن ودان ءارى ارتتىرىپ، ەكىجاقتى بايلانىسقا تىڭ سەرپىن بەرەتىنىنە سەنىم ءبىلدىردى.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار