كوپتەگەن ادامدار ءۇشىن جۇمىس – بۇل نەگىزگى تابىس كوزى, سونىمەن قاتار دامۋ ءادىسى جانە ەموتسيونالدى قاناعاتتانۋ. جۇمىسپەن قامتۋ ماسەلەسى قازاقستاندىقتاردى الاڭداتىپ وتىرعان وزەكتى ماسەلەلەردىڭ ءبىرى بولىپ قالا بەرەدى. ولاردىڭ قانشاسىنىڭ جۇمىسى بار, ولار قاي سالادا جۇمىس ىستەيدى, ماماندىعى بويىنشا نەمەسە ولاي ەمەس – بۇل سۇراقتار رەسپۋبليكالىق قوعامدىق ساۋالناما بارىسىندا قويىلدى.
زەرتتەۋ ناتيجەلەرى بويىنشا بارلىق ەرەسەك تۇرعىندار اراسىندا جۇمىس ىستەيتىن رەسپوندەنتتەردىڭ ۇلەسى 54,0%. رەسپوندەنتتەردىڭ تاعى 10%-نىڭ جۇمىسى جوق, ولاردىڭ 2,7%-ى بەلسەندى تۇردە جۇمىس ىزدەيدى. ءاربىر ءتورتىنشى قازاقستاندىق جەكە سالادا جۇمىس ىستەيدى, ال ولاردىڭ 3,5% – جەكە كاسىپكەرلىك نەمەسە كاسىپ يەلەرى, ال 22,2% – جالدامالى جۇمىسشىلار. جۇمىسشىلاردىڭ كەلەسى نەگىزگى ساناتى – بيۋدجەتتىك ۇيىمداردىڭ قىزمەتكەرلەرى (19,2%). ءبىزدىڭ قوعامدا جۇمىس ىستەيتىن زەينەتكەرلەردىڭ (1,6%) جانە ستۋدەنتتەردىڭ (1,2%) ۇلەسى شامالى. كوبىنەسە قازاقستاندىقتار مەديتسينا, ءبىلىم جانە مادەنيەت سالاسىندا جۇمىس ىستەيدى. بۇل سالالاردى رەسپوندەنتتەردىڭ 23,5% ءوز جاۋاپتارىندا تاڭداعان. جۇمىستاعى ءاربىر بەسىنشى قازاقستاندىق ساۋدا سالاسىندا جۇمىس ىستەيدى.
باسقا سالالاردىڭ ارقايسىسىنداعى قازاقستاندىقتاردىڭ ۇلەسى 10%-دان اسپايدى. بۇلاردىڭ ىشىندەگى ەڭ باسىمى قىزمەت كورسەتۋ سالاسى - رەسپوندەنتتەردىڭ 9,2%-ى جۇمىس ىستەيدى. ال, مىسالى, ۇيدە كۇتۋشى رەتىندە, جەكە اسپازشىلار جانە ت.ب. رەسپوندەنتتەردىڭ 2%-ى, ادەتتە, جاس جانە كەرىسىنشە, زەينەت جاسىنداعى جۇمىسپەن قامتىلعان. بارلىق رەسپوندەنتتەردىڭ ىشىندە ەڭ ۇلكەن ۇلەس (27,9%) – ءبىر جەردە 3 جىلدان 5 جىلعا دەيىن جۇمىس جاساعاندار.
شامامەن ءاربىر ءتورتىنشى رەسپوندەنت 5 جىلدان 10 جىلعا دەيىن تۇراقتى جۇمىس ورنىندا جۇمىس ىستەيدى. رەسپوندەنتتەردىڭ 20%-دان ازى جۇمىس ورنىندا تۇراقتى 10 جىلدان استام جۇمىس ىستەيتىندەر. بارلىق رەسپوندەنتتەردىڭ جارتىسىنان استامى ماماندىعى بويىنشا جۇمىس ىستەمەيدى (52,1%). ال رەسپوندەنتتەردىڭ 4%-ى ەكى جۇمىستى بىرىكتىرەدى – ماماندىعى بويىنشا, ال ەكىنشىسى –ماماندىعى بويىنشا ەمەس.
