«مەملەكەتتىك بيۋدجەتكە كىرىس 7 تريلليون 139 ميلليارد تەڭگە سوماسىندا ءتۇستى, جوسپار 105,3 پايىزعا ورىندالدى. رەسپۋبليكالىق بيۋدجەتكە كىرىس 4,6 تريلليون تەڭگە سوماسىندا ءتۇستى, جوسپار 100,7 پايىزعا ورىندالدى. كىرىستەر بويىنشا جوسپار 30 ميلليارد تەڭگەگە ارتىعىمەن ورىندالدى, ونىڭ ىشىندە سالىقتار 17 ميلليارد تەڭگەگە ارتىعىمەن ورىندالدى», دەدى جاماۋباەۆ ۇكىمەت وتىرىسىندا.
ونىڭ ايتۋىنشا, نەگىزگى سوما ققس, پقوس, كتس سالىقتارىنان تۇسكەن.
«بۇل رەتتە شيكى مۇناي ءوندىرۋ كولەمىنىڭ تومەندەۋىنە جانە تەڭىز كەن ورنىندا كۇردەلى جوندەۋ جۇرگىزىلۋىنە بايلانىستى شيكى مۇنايعا ەتج جوسپارى ورىندالمادى. يمپورتقا ققس بويىنشا جوسپاردىڭ ورىندالماۋى يمپورت كولەمىنىڭ تومەندەۋىنە بايلانىستى. 2021 جىلدىڭ 7 ايىندا ءۇش ەل بىلتىرعىمەن سالىستىرعاندا 6,7 پايىزعا نەمەسە 875 ميلليون دوللارعا, ونىڭ ىشىندە 2021 جىلدىڭ شىلدەسىندە 26 پايىزعا نەمەسە 645 ميلليون دوللارعا ءوستى», دەپ قوستى مينيستر.
