قۇجاتتا قولدانىستاعى زاڭعا وزگەرىستەر مەن تولىقتىرۋلار, اتاپ ايتقاندا, ءبىرىنشى توپتاعى مۇگەدەكتەرگە كۇتىم جاسايتىن ادامدارعا جاردەماقى بەرۋ, جاردەماقى مولشەرىن ۇلعايتا وتىرىپ, 7 جاستان 18 جاسقا دەيىنگى مۇگەدەكتىك توپتارىن بەلگىلەۋ, مەملەكەتتىك الەۋمەتتىك جاردەماقىلاردى ءبىر مەزگىلدە الۋ قۇقىعىن بەرۋ جانە ت.ب. جازىلعان.
«زاڭ جوباسىنىڭ ماقساتى ەرەكشە قاجەتتىلىكتەرى بار ادامداردى الەۋمەتتىك قورعاۋ, مۇگەدەك بالالاردى تاربيەلەپ وتىرعان وتباسىلاردى قولداۋ, مەملەكەتتىك الەۋمەتتىك جاردەماقىلاردىڭ مولشەرىن ارتتىرۋ, زەينەتاقىمەن قامسىزداندىرۋ, حالىقتى جۇمىسپەن قامتۋ جانە الەۋمەتتىك ساقتاندىرۋ ماسەلەلەرىن جەتىلدىرۋ ماسەلەلەرى بويىنشا قازاقستان رەسپۋبليكاسىنىڭ زاڭناماسىن جەتىلدىرۋ بولىپ تابىلادى», دەدى ناريمان تورەعاليەۆ.
سونىمەن قاتار, قۇجاتتا جۇمىسسىزداردى ەڭبەك بيرجاسىندا تىركەۋ جانە جۇمىسسىز مارتەبەسىن الۋ راسىمدەرىن جەڭىلدەتۋ تەتىكتەرى جازىلعان.
سەناتورلار كوميتەت وتىرىسىنىڭ قورىتىندىسى بويىنشا اتالعان زاڭ جوباسىن پالاتانىڭ قاراۋىنا جىبەرۋ تۋرالى شەشىم قابىلدادى.
