قازاقستان ەكونوميكاسى پاندەمياعا دەيىنگى دەڭگەيگە جەتتى — ا. مامين

ەكونوميكانىڭ دامۋى، اقشا-نەسيە ساياساتى، رەسپۋبليكالىق بيۋدجەتتىڭ اتقارىلۋى، مەملەكەتتىك ساتىپ الۋداعى جەرگىلىكتى قامتۋ تۋرالى ۇلتتىق ەكونوميكا ءمينيسترى اسەت ەرعاليەۆ، ۇلتتىق بانك توراعاسى ەربولات دوساەۆ، قارجى ءمينيسترى ەرۇلان جاماۋباەۆ، الەۋمەتتىك ماڭىزى بار ازىق-ت ۇلىك تاۋارلارى باعاسىنا قاتىستى جاعداي تۋرالى ساۋدا جانە ينتەگراتسيا ءمينيسترى باقىت سۇلتانوۆ، ونەركاسىپ پەن ەنەرگەتيكا سەكتورىنىڭ دامۋى تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ پەن ەنەرگەتيكا ءمينيسترى ماعزۇم مىرزاعاليەۆ، اگروونەركاسىپتىك كەشەندەگى احۋال تۋرالى اۋىل شارۋاشىلىعى ءمينيسترى ەربول قاراشوكەەۆ باياندادى.

ۇكىمەت باسشىسى قازاقستان ەكونوميكاسىنىڭ كورسەتكىشتەرى پاندەمياعا دەيىنگى دەڭگەيگە جەتكەنىن جانە سەنىمدى قالپىنا كەلۋ سەرپىنىن كورسەتىپ وتىرعانىن اتاپ ءوتتى. بيىلعى جىلدىڭ سەگىز ايىنىڭ قورىتىندىسى بويىنشا ءجىو ءوسىمى 3% قۇرادى.

وڭدەۋ ونەركاسىبىندە 5،8%-عا، ساۋدا سالاسىندا 9،1%-عا، بايلانىس سالاسىندا 12،8%-عا، سونداي-اق قۇرىلىستا 11،4%-عا ءوسۋ بار. وسى جىلدىڭ 8 ايىندا ەلىمىزدە 8،9 ملن شارشى مەتر تۇرعىن ءۇي پايدالانۋعا بەرىلدى، بۇل وتكەن جىلمەن سالىستىرعاندا 10،5%-عا ارتىق.

وڭدەۋ ونەركاسىبىندەگى ءوسىم فارماتسەۆتيكالىق ءونىم ءوندىرۋ كولەمىنىڭ 40،8%-عا، ماشينا جاساۋدىڭ 23،9%-عا، مۇناي وڭدەۋدىڭ 9،2%-عا، بىلعارى بۇيىمدارىن شىعارۋدىڭ 8،4%-عا، ازىق-ت ۇلىك ونىمدەرىن ءوندىرۋدىڭ 4،8%-عا جانە حيميا ونىمدەرىنىڭ 2،2%-عا ۇلعايۋىمەن بايلانىستى.

وپەك+ اياسىندا مۇناي وندىرۋگە قويىلعان شەكتەۋلەردى ەسكەرە وتىرىپ، تاۋ-كەن ءوندىرىسى سەكتورىنداعى ءوسۋ قارقىنى شەكتەۋلى (-1،4%) بولىپ قالىپ وتىر.

كورسەتىلەتىن قىزمەتتەر سەكتورىنداعى ءوسۋ قارقىنى قالپىنا كەلىپ جاتىر جانە قازىرگى ۋاقىتتا ساۋداداعى (+9،1%) جانە بايلانىستاعى (+12،8%) جوعارى ديناميكا ەسەبىنەن 2،3%-عا جەتتى.

نەگىزگى كاپيتالعا سالىنعان ينۆەستيتسيالاردىڭ ءوسۋى تاۋ-كەن ءوندىرىسىن ەسەپكە الماعاندا 18%-دى قۇرادى. بۇل قۇرىلىستا (+150،1%)، وڭدەۋ ونەركاسىبىندە (+81،7%)، اۋىل شارۋاشىلىعىندا (+43،2%)، ساۋدادا (+39،9%)، اقپارات پەن بايلانىستا (+37،0%)، جىلجىمايتىن م ۇلىك وپەراتسيالارىندا (+16،2%) جانە كولىك قىزمەتتەرىندە (+9،0%) نەگىزگى كاپيتالعا سالىنعان ينۆەستيتسيالاردىڭ جوعارى كورسەتكىشتەرى ەسەبىنەن ورىندالدى.

بيىلعى قاڭتار-تامىز ايلارىنىڭ قورىتىندىلارى بويىنشا الماتى، جامبىل، قوستاناي، ماڭعىستاۋ وبلىستارى جانە شىمكەنت قالاسى بارلىق 7 نەگىزگى ماكروكورسەتكىش بويىنشا، اقمولا، اقتوبە، اتىراۋ، قاراعاندى، قىزىلوردا، پاۆلودار، سولتۇستىك قازاقستان وبلىستارى جانە نۇر-سۇلتان قالاسى 6 كورسەتكىش بويىنشا، شىعىس قازاقستان، تۇركىستان وبلىستارى جانە الماتى قالاسى 5 كورسەتكىش بويىنشا الەۋمەتتىك-ەكونوميكالىق دامۋ ءوسىمىن قامتاماسىز ەتتى. باتىس قازاقستان وبلىسى ەڭ تومەنگى كورسەتكىشتەرگە يە.

ۇكىمەت باسشىسى اكىمدىكتەرگە كورسەتكىشتەردىڭ تومەندەۋى مەن باياۋلاۋى بايقالاتىن ەكونوميكا سەكتورلارىندا ءوسۋ قارقىنىن ارتتىرۋدى، ەكونوميكانى ودان ءارى ءارتاراپتاندىرۋ، ينۆەستيتسيالار تارتۋ جانە جۇمىس ورىندارىن قۇرۋ جونىندەگى جۇمىستاردى جالعاستىرۋدى تاپسىردى.

مەملەكەتتىك ورگانداردىڭ باسشىلارى مەن اكىمدەرگە باعانى ۇستاپ تۇرۋدى كۇشەيتۋ، ساۋدا جانە ينتەگراتسيا مينيسترلىگىنە ينفلياتسياعا قارسى ارەكەت ەتۋ شارالارى كەشەنىن ىسكە اسىرۋدى ناقتى ۇيلەستىرۋ تاپسىرىلدى.

«بارلىق وڭىرلەر الەۋمەتتىك-ەكونوميكالىق دامۋدىڭ جوسپارلانعان كورسەتكىشتەرىنە قول جەتكىزۋدى جانە مەملەكەت باسشىسى قاسىم-جومارت توقاەۆ العا قويعان مىندەتتەردى ءتيىمدى ىسكە اسىرۋدى قامتاماسىز ەتۋى قاجەت»، دەدى ا. مامين.