«رەسپۋبليكالىق بيۋدجەت بويىنشا 9,9 ترلن تەڭگە شىعىس بولدى. اتقارىلماۋ 31 ملرد تەڭگەنى, ونىڭ ىشىندە ۇنەمدەۋ 7 ملرد تەڭگەنى قۇرادى. يگەرىلمەگەنى - 24 ملرد تەڭگە. يگەرىلمەۋدىڭ نەعۇرلىم ءىرى سومالارى دەنساۋلىق ساقتاۋ, ىشكى ىستەر, مادەنيەت جانە سپورت, ادىلەت, توتەنشە جاعدايلار مينيسترلىكتەرىندە قالىپتاستى», دەدى مينيستر.
مينيستر يگەرىلمەۋدىڭ نەگىزگى سەبەپتەرىن دە اتاپ ءوتتى.
«يگەرىلمەۋدىڭ نەگىزگى سەبەپتەرى: تولەمنىڭ نەگىزدىلىگىن راستايتىن قۇجاتتاردى ۇسىنباۋ, تولەم ناقتى كورسەتىلگەن قىزمەتتەر كولەمى ءۇشىن جۇرگىزىلگەن, ورىندالعان جۇمىستاردىڭ اكتىلەرىن, شوت-فاكتۋرالاردى ۋاقتىلى ۇسىنباۋ», دەدى ول.
جاماۋباەۆ جەرگىلىكتى بيۋدجەتتەردىڭ شىعىستارى 5,2 ترلن تەڭگەنى قۇراعانىن ايتتى.
«64 ملرد تەڭگە جۇمسالماعان. وڭىرلەرگە 2,5 ترلن تەڭگە سوماسىندا نىسانالى ترانسفەرتتەر كوزدەلگەن. 1 قىركۇيەككە ولارعا 1 ترلن 358 ملرد تەڭگە بولىنگەن. ونىڭ 98%-ءى يگەرىلدى. جۇمسالماعان – 26,5 ملرد تەڭگە, ونىڭ ىشىندە ۇنەمدەۋ – 3 ملرد تەڭگە, يگەرىلمەگەنى – 23,5 ملرد تەڭگە», دەدى ەرۇلان جاماۋباەۆ.
ونىڭ ايتۋىنشا, ەڭ كوپ يگەرىلمەۋ نۇر-سۇلتان قالاسى, باتىس قازاقستان وبلىسى, الماتى قالاسى, قىزىلوردا, تۇركىستان وبلىستارىندا قالىپتاسقان.
