فوتو اۆتورى: ەرلان ومار, Egemen Qazaqstan
بۇرىن تەك حايۋاناتتار باعىندا نەمەسە تەلەديداردا كورسەتىلگەن قۇستاردى كىشى تالدىكول جاعاسىنان كورۋگە بولادى.
كول جاعاسىنا كولىكتەر توقتاپ, قالا تۇرعىندارى بالالارىن سيرەك كەزدەسەتىن قۇستاردى كورسەتۋ ءۇشىن الىپ كەلۋدە.
ايتا كەتسەك, قوعام بەلسەندىلەرى مەن قالا تۇرعىندارى كىشى تالدىكولگە قاتىستى جاعدايعا قاتتى الاڭداۋلى. وتكەن اپتادا عانا ەكواكتيۆيستتەر كولدى ساقتاۋ تۋرالى مالىمدەمە جاساعان. اكىمدىك ءوز كەزەگىندە سۋلى-باتپاقتى القاپ تازارتىلىپ, ساقتالاتىنىنا ۋادە بەردى.
«وسى كولدىڭ ارقاسىندا ءبىز اققۋلار مەن فلامينگوعا تاڭدانا الامىز. ءبىز وسى سۇلۋلىقتى تاماشالاۋعا كەلدىك. كىشى تالدىكولگە فلامينگو شاعىن وتاردا ۇشىپ كەلدى. بۇگىن توعاندا وننان استام فلامينگو بار. ولار ءالى جاس, سوندىقتان ەستە قالارلىق قىزعىلت تۇسكە ءالى بويالماعان. مامانداردىڭ ايتۋىنشا, ولار قورعالجىن قورىعىنان وڭتۇستىككە قاراي ۇشادى», دەدى نۇر-سۇلتان قالاسىنىڭ تۇرعىنى اقمارال قابەەۆا.
عالىمدار بۇل اسەم كورىنىستى قالا ىشىندە كورۋدىڭ سوڭعى مۇمكىندىگى ەكەنىن جوققا شىعارمايدى.
