وبلىستىق پوليتسيا ۇسىنعان دەرەكتەرگە سايكەس, 9 قىركۇيەكتە مويىنقۇم اۋدانى اقباقاي اۋىلىنان 20 شاقىرىم جەردە جاساندى شاحتالاردا التىن قۇرامدى كەن وندىرۋمەن اينالىسقان توعىز جەرگىلىكتى تۇرعىن ۇستالدى.
«جەدەل-ىزدەستىرۋ ءىس-شارالارىن جۇرگىزۋ كەزىندە قىلمىستىق توپ وندىرىلگەن كەندى شۋ وزەنى اۋدانىنداعى فازەنداعا تاسىمالداعانى انىقتالدى. ءتىنتۋ بارىسىندا زاڭسىز ورناتىلعان ەكى ۇنتاقتاعىش پەن قۇرامىندا التىنى بار كەندى وڭدەۋگە, قۇمدى تازالاۋعا ارنالعان ەكى اپپارات, سونداي-اق 10 توننا كولەمىندەگى كەن تاركىلەندى», دەپ اتاپ ءوتتى وبلىستىق پد باستىعى جانات سۇلەيمەنوۆ.
قازىرگى ۋاقىتتا تەرگەۋ امالدارى جۇرگىزىلىپ, قاجەتتى ساراپتامالار تاعايىندالدى.
