كوروناۆيرۋس • 13 قىركۇيەك، 2021

كوروناۆيرۋستىڭ ءتورتىنشى تولقىنى ءالى اياقتالعان جوق

27 رەت كورسەتىلدى

وڭىرلىك كوممۋنيكاتسيالار قىزمەتىنىڭ بريفينگىندە قازۇمۋ مەديتسينالىق-سانيتارلىق العاشقى كومەك ءبولىمىنىڭ مەڭگەرۋشىسى، PhD فيلوسوفيا دوكتورى دينارا ماحانبەتقۇلوۆا ۆاكتسينانىڭ ادام يممۋنيتەتىنە جانە كوروناۆيرۋستان قورعاۋعا وڭ اسەرى تۋرالى پىكىرىمەن ءبولىستى، دەپ حابارلايدى Egemen.kz.

د.ماحانبەتقۇلوۆانىڭ ايتۋىنشا، ۆاكتسينالار كوروناۆيرۋستىڭ بارلىق اينالىمداعى شتامدارىنان قورعايدى. دارىگەر ۆاكتسينالار شتامداردىڭ وتە كەڭ سپەكترىنەن قورعاي الاتىنداي ەتىپ جاسالعانىن ايتتى. ۆاكتسيناتسيادان كەيىن ورگانيزم اۋرۋعا شالدىققاننان گورى ۆيرۋسقا ءتوزىمدى يممۋنيتەتتى دامىتادى.

«قالادا كوروناۆيرۋستىق ينفەكتسيانىڭ تومەندەۋى اقپان ايىندا باستالعان ۆاكتسيناتسيا ناۋقانىنىڭ باستالۋىمەن بايلانىستى دەپ سانايمىن. ءتورتىنشى تولقىن ءالى اياقتالعان جوق ەكەنىن ءتۇسىنۋ كەرەك. ەپيدەميولوگيالىق جاعداي ۇجىمدىق يممۋنيتەت قالىپتاسقانعا دەيىن جاقسارمايدى»، دەيدى د.ماحانبەتقۇلوۆا.

دارىگەردىڭ ايتۋىنشا، اۋرۋدان كەيىن پايدا بولعان تابيعي يممۋنيتەتتىڭ كۇشى بارلىق ادامداردا ءار ءتۇرلى. تابيعي يممۋنيتەت ۇزاققا سوزىلماۋى مۇمكىن. ۆاكتسيناتسيا ارقىلى يممۋنيتەتتى قالىپتاستىرۋ ونىڭ تابيعي قالىپتاسۋىنا قاراعاندا از قاۋىپ توندىرەدى، ويتكەنى COVID-19 جۇقتىرعان جاعدايدا بەلگىلەردىڭ اۋىرلىعىن بولجاۋ مۇمكىن ەمەس.

«يممۋنيتەتى تومەن ادامدار جاس توبىنا قاراماستان اۋرۋعا بەيىم. سوندىقتان سوزىلمالى اۋرۋلارى بار ادامدارعا دا ۆاكتسيناتسيا قاجەت»، دەيدى دارىگەر.

د.ماحانبەتقۇلوۆا ۆاكتسيناتسيالاۋ ناتيجەسىندە پرەپاراتتىڭ العاشقى دوزاسىنان كەيىن جەتكىلىكتى كۇشتى يممۋندىق جاۋاپ قالىپتاساتىنىن حابارلادى.

«ەكىنشى دوزا انتيدەنەلەر دەڭگەيىن ەداۋىر ارتتىرادى جانە يممۋندىق جادىنىڭ ۇزاق مەرزىمدى اكتيۆتەنۋى ءۇشىن قاجەت، سوندىقتان ونى الۋ وتە ماڭىزدى. وسىلايشا، كوروناۆيرۋستىڭ انتيدەنەلەرى ۆاكتسينانىڭ ەكى كومپونەنتىن العان ادامداردا ەكىنشى دوزادان كەيىن ەكى-ءۇش اپتا ىشىندە پايدا بولادى»، دەپ جالعاستىردى دارىگەر.

د.ماحانبەتقۇلوۆا ۆيرۋسقا قارسى ۆاكتسينانى نەعۇرلىم كوپ ادام السا، ەپيدەميانى تەزىرەك جەڭۋگە بولاتىندىعىن اتاپ ءوتتى. مىسالى، جاپپاي ۆاكتسيناتسيالاۋدىڭ ارقاسىندا كوپتەگەن اۋرۋلاردىڭ، اتاپ ايتقاندا قىزىلشا، تۋبەركۋلەز، پوليوميەليتتىڭ تارالۋىن توقتاتۋعا مۇمكىندىك تۋدى.

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار