2020 جىلى ۇلتتىق قوعامدىق سەنىم كەڭەسىنىڭ IV وتىرىسى بارىسىندا مەملەكەت باسشىسى قاسىم-جومارت كەمەل ۇلى توقاەۆ وقۋشىلار اراسىندا وقۋ ساۋاتتىلىعىن ارتتىرۋ جانە بالالارعا ارنالعان وقۋ مادەنيەتىن ناسيحاتتاۋ قاجەتتىگىن اتاپ ءوتتى. وسى تۇرعىدا قازىرگى قوعامدا تابىستى جانە باسەكەگە قابىلەتتى تۇلعا قالىپتاستىراتىن, بالالاردى قورشاعان ورتانى تانۋ الەمىنە جەتەلەيتىن مەكتەپتەر مەن كىتاپحانالاردىڭ ەرەكشە ءرولى اتاپ ءوتىلدى. بۇل رەتتە اۋىلدىق جەرلەردەگى مەكتەپتەردىڭ كىتاپحانا قورلارىنىڭ قولجەتىمدىلىگى مەن ساپاسى قالالىق جانە رەسپۋبليكالىق مەكتەپتەردەن ايتارلىقتاي ەرەكشەلەنەدى.
وسىعان بايلانىستى, وقۋ مادەنيەتىن ىلگەرىلەتۋ ارقىلى, اتاپ ايتقاندا, شالعاي ەلدى مەكەندەردە وسكەلەڭ ۇرپاقتىڭ ازاماتتىق جانە رۋحاني-ادامگەرشىلىك باعدارىن قالىپتاستىرۋ جانە دامىتۋ ماقساتىندا قر اقپارات جانە قوعامدىق دامۋ مينيسترلىگى قازاقستانداعى وتباسى كۇنىنە ارنالعان «اۋىلىما كىتاپ» رەسپۋبليكالىق قايىرىمدىلىق اكتسياسىن وتكىزەدى. وسى اكتسيا اياسىندا قر يندۋستريا جانە ينفراقۇرىلىمدىق دامۋ مينيسترلىگى جامبىل وبلىسىنىڭ «رۋحاني جاڭعىرۋ» جوبالىق كەڭسەسى» كوممۋنالدىق مەملەكەتتىك مەكەمەسىنە قازاق, ورىس جانە اعىلشىن تىلدەرىندە 450-دەن استام كىتاپ تاپسىردى.
