اۋا رايى • 12 قىركۇيەك, 2021

سولتۇستىك وڭىرلەردە ۇسىك جۇرەدى

700 رەت

كورسەتىلدى

1 مين

وقۋ ءۇشىن

سينوپتيكتەر قازاقستاننىڭ بىرنەشە وبلىسىندا ۇسىك بولادى دەپ ەسكەرتۋ جاسادى, دەپ حابارلايدى Egemen.kz.

گاۋھار قاپاش

قازگيدرومەت مالىمەتىنشە, 13 قىركۇيەكتە قوستاناي وبلىسىنىڭ وڭتۇستىك-شىعىسىندا 2 گرادۋس ۇسىك كۇتىلەدى. كۇندىز وبلىستىڭ سولتۇستىگىندە, سولتۇستىك-باتىسىندا نايزاعاي بولادى. تۇندە جانە تاڭەرتەڭ وبلىستىڭ شىعىسىندا تۇمان كۇتىلەدى. وڭتۇستىك-باتىستان, باتىستان جەل سوعادى, كۇشى كۇندىز وبلىستىڭ سولتۇستىك-باتىسىندا سەكۋندىنا 15-20 مەترگە جەتەدى.

اقمولا وبلىسىنىڭ سولتۇستىگىندە, سولتۇستىك-باتىسىندا باتىستان, وڭتۇستىك-باتىستان جەل سوعادى, ەكپىنى سەكۋندىنا 15-20 مەتر بولادى. تۇندە وبلىستىڭ وڭتۇستىك جارتىسىندا 2 گرادۋس ۇسىك كۇتىلەدى.

نۇر-سۇلتاندا 13 قىركۇيەكتە تۇندە توپىراق بەتىندە 2 گرادۋس ۇسىك بولادى.

13 قىركۇيەكتە تۇندە سولتۇستىك قازاقستان وبلىسىنىڭ وڭتۇستىك-باتىسىندا 2 گرادۋس ۇسىك كۇتىلەدى. باتىستان, وڭتۇستىك-باتىستان جەل سوعادى, وبلىستىڭ سولتۇستىك-شىعىسىندا كۇشى سەكۋندىنا 15-20 مەتر بولادى.

تۇركىستان وبلىسىنىڭ تاۋلى اۋداندارىندا سولتۇستىك-شىعىستان سوعاتىن جەلدىڭ كۇشى سەكۋندىنا 15-20 مەتر بولادى. وبلىس كولەمىندە توتەنشە ءورت قاۋىپى ساقتالادى.