2020 جىلدىڭ 2 شلدەسىندە «استانا» حالىقارالىق قارجى ورتالىعىن باسقارۋ جونىندەگى كەڭەس وتىرىسىندا مەملەكەت باسشىسى قاسىم-جومارت توقاەۆ احقو-نىڭ 2025 جىلعا دەيىنگى دامۋ ستراتەگياسىنا ورتالىقتى وڭىرلىك قارجى ورتالىعى رەتىندە قالىپتاستىرۋ قاجەتتىگىن تاپسىرىپ, احقو ءوڭىردىڭ بارلىق ەلدەرىن ءوزارا بايلانىستىراتىن امبەباپ الاڭعا اينالا الاتىنىن اتاعان ەدى.
ءوز كەزەگىندە ورتالىق ازيا ەلدەرى احقو ۇسىنعان مۇمكىندىكتەرگە جوعارى قىزىعۋشىلىق تانىتۋدا. قىرعىز رەسپۋبليكاسى پرەزيدەنتى سادىر جاپاروۆتىڭ 2021 جىلدىڭ ناۋرىز ايىندا جاساعان مەملەكەتتىك ساپارى بارىسىندا احقو-عا ارنايى ات باسىن بۇرۋى وسىنىڭ دالەلى. ناتيجەسىندە قىرعىزستاننىڭ ينۆەستيتسيالىق جانە قارجىلىق باستامالارىن ىسكە اسىرۋدا احقو الاڭىنىڭ ارتىقشىلىقتارىن پايدالانۋ تۋرالى كەلىسىمگە قول جەتكىزىلدى.
اتالعان كەلىسىمدى ىسكە اسىرۋ اياسىندا احقو دەلەگاتسياسى 2021 جىلدىڭ 6-8 قىركۇيەك ارالىعىندا قىرعىز رەسپۋبليكاسىنا باردى. ۇشكۇندىك ساپار بارىسىندا ءار دەڭگەيدەگى قىرعىزستاندىق مەملەكەتتىك جانە جەكە قۇرىلىمدار مەن حالىقارالىق ۇيىم وكىلدەرىنىڭ احقو مۇمكىندىكتەرىنە دەگەن جوعارى قىزىعۋشىلىقتارى بايقالدى.
ساپار بارىسىندا ەۋروپا قايتا قۇرۋ جانە دامۋ بانكى, حالىقارالىق قارجى كورپوراتسياسى, رەسەي-قىرعىز قورى, قىرعىز رەسپۋبليكاسىنداعى امەريكا ساۋدا پالاتاسى, حالىقارالىق ىسكەرلىك كەڭەس وكىلدەرىمەن ورتالىق ازياداعى كاپيتال نارىعى مەن ينۆەستيتسيالىق تارتىمدىلىقتى دامىتۋ تۋرالى جوعارى دەڭگەيدەگى ماسەلەلەر تالقىلاندى.
قىرعىزستاننىڭ مەملەكەتتىك ورگاندارىمەن جانە سالالىق قاۋىمداستىقتارىمەن زارا جەمىستى ىنتىماقتاستىق قۇرۋعا ەرەكشە ءمان بەرىلدى. احقو دەلەگاتسياسى قىرعىز رەسپۋبليكاسى ۇلتتىق بانك توراعاسىمەن, قىرعىز قور نارىعى ديرەكتورلار كەڭەسىنىڭ توراعاسى جانە پرەزيدەنتىمەن, قىرعىزستان بانكتەرى وداعىنىڭ توراعاسىمەن, ەلەكتروندى كوممەرتسيا قاۋىمداستىعى وكىلدەرىمەن كەزدەسۋ وتكىزدى. ناتيجەسىندە قىرعىزستاننىڭ قارجى جانە ينۆەستيتسيا سەكتورى قىزمەتكەرلەرىنىڭ ۇزدىكسىز كاسىبي دامۋ مۇمكىندىكتەرىن كەڭەيتۋ ءۇشىن بانكتەر وداعى الاڭىن پايدالانۋ, «جاسىل» جانە يسلامدىق قارجىلاندىرۋدى دامىتۋ اياسىنداعى ارىپتەستىك جانە قىرعىزستاننىڭ ەكىنشى دەڭگەيلى بانكتەرىنە ESG پرينتسيپتەرىن ەنگىزۋ تۋرالى كەلىسىمگە قول جەتكىزىلدى. «وپتيما بانك» احقو-مەن بىرلەسىپ وقىتۋ باعدارلامالارى مەن كاسىبيشارالار دايىنداۋ مەن وتكىزەتىن وسى ەلدىڭ العاشقى كوممەرتسيالىق بانكى بولدى.
«احقو اكىمشىلىگى» اق باسقارما توراعاسى ەرنۇر رىسماعامبەتوۆ پەن قىرعىز رەسپۋبليكاسى ينۆەستيتسيا ءمينيسترى المامبەت شىكماماتوۆتىڭشەتەلدىك ينۆەستيتسيا تارتۋ, قۇندى قاعازدار نارىعىن دامىتۋ, يننوۆاتسيا مەن ۆەنچۋرلىينۆەستيتسيالاۋ مۇمكىندىكتەرىن كەڭەيتۋگە باعىتتالعان بىرلەسكەن جوبالاردى ىسكە اسىرۋ تۋرالى كەلىسىمگە كەلۋى ساپاردىڭ نەگىزگى قورىتىندىسى بولدى.
احقو ءار دەڭگەيدەگى مەملەكەتارالىق تەڭ كوممۋنيكاتسيانى دامىتۋعا ز ۇلەسىن قوسا بەرمەك. كورونوۆيرۋستىق ينفەكتسياعا بايلانىستى وڭىرلىك جانە جاھاندىق تۇراقسىزدىق كەزىندە مۇنداي بايلانىستىڭ ماڭىزى تىپتەن ارتا تۇسەتىنى انىق. ال قىزعىز كاسىپكەرلەردىڭ ەرەكشە قىزىعۋشىلىق تانىتۋى احقو-نىڭ وڭىرلىك دەڭگەيدەگى ماڭىزىن كورسەتسە كەرەك.
