كەزدەسۋ بارىسىندا تاراپتار ساياسي, ساۋدا-ەكونوميكالىق جانە مادەني-گۋمانيتارلىق سالالارداعى قازاقستان-سولتۇستىك ماكەدونيا ىنتىماقتاستىعىن, سونداي-اق حالىقارالىق ۇيىمدار شەڭبەرىندەگى ءوزارا ءىس-قيمىلدى ودان ءارى كەڭەيتۋ جونىندەگى قادامداردى تالقىلادى.
كەلىسسوزدەر سوڭىندا قرسىرتقى ىستەر مينيسترلىگى مەن سولتۇستىك ماكەدونيا رەسپۋبليكاسىنىڭ سىرتقى ىستەر مينيسترلىگى اراسىنداعى 2021-2023 جىلدار كەزەڭىنە ارنالعان ءىس-قيمىل جوسپارى جانە قازاقستان رەسپۋبليكاسى مەن سولتۇستىك ماكەدونيا رەسپۋبليكاسى اراسىنداعى سوتتالعان ادامداردى بەرۋ تۋرالى شارتتىڭ كۇشىنە ەنۋى بويىنشا راتيفيكاتسيالاۋ تۋرالى گراموتالارمەن الماسۋ تۋرالى حاتتاماعا قول قويىلدى.
ساپار اياسىندا ب.وسماني مەملەكەت باسشىسىنىڭ قابىلداۋىندا بولىپ, بىرقاتار قازاقستاندىق كومپانيالاردىڭ وكىلدەرىمەن كەزدەسۋ وتكىزدى.
«جالپى, قازاقستان مەن سولتۇستىك ماكەدونيا ىنتىماقتاستىعىنىڭ كەلەشەگى جىل سايىن كەڭەيە تۇسۋدە. وسىنىڭ ءبارى ەلدەرىمىز اراسىنداعى ەكىجاقتى قارىم-قاتىناستاردىڭ سەنىمدى سيپاتىن ايعاقتايدى», دەپ جازادى ءسىم ءباسپاسوز قىزمەتى.
