قازاقستان • 10 قىركۇيەك، 2021

موڭعوليادا قر پرەزيدەنتىنىڭ جولداۋىنا ارنالعان بريفينگ ءوتتى

58 رەت كورسەتىلدى

قازاقستاننىڭ موڭعولياداعى ەلشىلىگىندە پرەزيدەنت قاسىم-جومارت توقاەۆتىڭ 2021 جىلعى 1 قىركۇيەكتەگى «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىنا ارنالعان بريفينگ ءوتتى، دەپ جازادى Egemen.kz.

ءىس-شاراعا موڭعوليانىڭ ساراپشىلارى مەن باق وكىلدەرى قاتىستى.

بريفينگتىڭ باسىندا ەلشى جالعاس ادىلباەۆ جولداۋدىڭ نەگىزگى تارماقتارى مەن مەملەكەت باسشىسىنىڭ پاندەميادان كەيىنگى كەزەڭدە ەلدى ودان ءارى دامىتۋعا، دەنساۋلىق ساقتاۋدىڭ تيىمدىلىگىن ارتتىرۋعا، ساپالى ءبىلىم بەرۋدى قامتاماسىز ەتۋگە، وڭىرلىك ساياساتتى جەتىلدىرۋگە، ەڭبەك نارىعىندا ءتيىمدى ەكوجۇيەنى قۇرۋعا، ساياسي جاڭعىرۋعا، ادام قۇقىقتارىن قورعاۋعا جانە قوعامنىڭ بىرىگۋىنە باعىتتالعان باستامالارىنا تۇسىنىكتەمە بەردى.

سونىمەن قاتار، وتاندىق ديپلومات جولداۋدا قازاقستان ءۇشىن پايدا بولعان جاھاندىق، ىشكى قاۋىپتەر، سونداي-اق سىن-قاتەرلەردىڭ اسەرىنە تەرەڭ الەۋمەتتىك-ەكونوميكالىق، ەكولوگيالىق جانە ساياسي تالداۋ جاسالعانىن، ولارعا باعا بەرىلىپ، وسى ماسەلەلەردى جەڭۋدىڭ جولدارى، ناقتى شارالارى مەن مەحانيزمدەرى قامتىلعانىن اتاپ ءوتتى.

جولداۋ موڭعول جۋرناليستەرى مەن ساراپشىلارىنىڭ تاراپىنان قىزىعۋشىلىق تۋدىردى جانە ولاردىڭ پىكىرىنشە اتالعان قۇجاتتا ەڭ الدىمەن قازاقستاننىڭ پاندەميادان كەيىنگى كەزەڭدەگى دامۋ ساتىلارى ناقتىلانعان.

وسىعان قوسا، ج.ادىلباەۆ بريفينگكە قاتىسۋشىلارعا بيىلعى جىلى قازاقستان ەل تاۋەلسىزدىگىنىڭ 30 جىلدىعىن اتاپ وتەتىنىن جانە وسى جىلدار ىشىندە قازاقستان ۇلتارالىق كەلىسىم مەن ينتەگراتسيا ساياساتىن جۇرگىزۋگە تۇراقتى ەكونوميكالىق وسۋگە ۇمتىلعانىن حابارلادى.

قازاقستاننىڭ جانجالداردىڭ الدىن الۋ، ونىڭ ىشىندە تەرروريزم مەن ەكسترەميزم سياقتى جاڭا سىناقتارعا قارسى تۇرۋ ءۇشىن كوپجاقتى ىنتىماقتاستىققا بەلسەندى تۇردە قاتىساتىنى تۋرالى اقپارات بەرىلدى. ازياداعى ءوزارا ءىس-قيمىل جانە سەنىم شارالارى جونىندەگى كەڭەستى (اوسشك) تولىققاندى حالىقارالىق ۇيىمعا اينالدىرۋ جونىندەگى باستاماسىنا ەرەكشە كوڭىل ءبولىندى.

بۇدان باسقا، ەلشى پرەزيدەنت ق.توقاەۆتىڭ باستاماسىمەن ادام قۇقىعىن قورعاۋ جانە «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس دامىعان دەموكراتيالىق قوعام قۇرۋ بويىنشا جۇرگىزىلىپ وتىرعان ەلدەگى ساياسي رەفورمالار تۋرالى قىسقاشا ايتتى.

ءباسپاسوز بريفينگىنىڭ قورىتىندىسى بويىنشا قازاقستاندىق-موڭعول قارىم-قاتىناستارىنىڭ دامۋى تۋرالى ينتەراكتيۆتى پىكىرلەر الماسۋعا مۇمكىندىك بولدى.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار