اۋا رايى • 10 قىركۇيەك، 2021

جۇما كۇنىنە ارنالعان اۋا رايى بولجامى

40 رەت كورسەتىلدى

قازگيدرومەت 10 قىركۇيەككە ارنالعان اۋا رايى بولجامىن ۇسىنادى، دەپ حابارلايدى Egemen.kz.

اتموسفەرالىق اۋا اعىندارىنىڭ وتۋىنە بايلانىستى ەلىمىزدىڭ ورتالىعىندا، سولتۇستىكتىگىندە، شىعىستا، وڭتۇستىكتىڭ تاۋلى اۋداندارىندا، كۇندىز نايزاعاي جارقىلداپ، جاڭبىر جاۋادى، تاڭەرتەڭ جانە كۇندىز جامبىل وبلىسىنىڭ تاۋلى اۋداندارىندا جانە تاۋ بوكتەرىندە نوسەر جاڭبىر، بۇرشاق جاۋى ىقتيمال.

تەك قازاقستاننىڭ وڭتۇستىگى مەن باتىسىندا انتيتسيكلون جوتاسىنىڭ ىقپالىمەن جاۋىن-شاشىنسىز اۋا رايى ساقتالادى.

رەسپۋبليكانىڭ باسىم بولىگىندە جەل 15-20 م/س، سولتۇستىگىندە، سولتۇستىك-باتىسىندا جەل 23-28 م/س كۇشەيەدى. ەلىمىزدىڭ وڭتۇستىك-باتىسىندا، شىعىسىندا جەكەلەگەن اۋدانداردا تۇمان ءتۇسۋى مۇمكىن.

تۇندە سولتۇستىك-باتىستا، باتىستا، كۇندىز اقمولا وبلىسىنىڭ باسىم بولىگىندە نايزاعاي جارقىلدايدى، جەلدىڭ جىلدامدىعى 15-20 م/س، ال وبلىستىڭ سولتۇستىگى مەن وڭتۇستىك-شىعىسىندا ەكپىنى 25 م/س جەتەدى.

قوستاناي وبلىسىنىڭ سولتۇستىك-باتىسىندا، سولتۇستىگىندە نايزاعاي، بۇرشاق كۇتىلەدى، باسىم بولىگىندە جەل 15-20 م/س كۇشەيەدى، كۇندىز وبلىستىڭ وڭتۇستىك-شىعىسىندا ەكپىنى 23-28 م/س جەتەدى.

سولتۇستىك قازاقستان وبلىسىنىڭ باتىسىندا، سولتۇستىگىندە نايزاعاي، تۇندە باتىسىندا، كۇندىز باسىم بولىگىندە جەلدىڭ جىلدامدىعى 15-20 م/س، وڭتۇستىك-باتىسى مەن وڭتۇستىگىندە ەكپىنى 25 م/س.

كۇندىز پاۆلودار وبلىسىنىڭ باتىسىندا، سولتۇستىك-باتىسىندا نايزاعاي جارقىلداپ، باسىم بولىگىندە جەل 15-20، باتىسىندا ەكپىنى 25 م/س بولادى. جامبىل وبلىسىنىڭ شىعىسىندا، وڭتۇستىك-شىعىسىندا، وڭتۇستىگىندە، تاڭەرتەڭ جانە كۇندىز تاۋلى، تاۋ بوكتەرىندەگى اۋدانداردا نايزاعاي، بۇرشاق جاۋى ىقتيمال، نايزاعاي جارقىلداعان كەزدە جەل 15-20 م/س كۇشەيەدى.

كۇندىز قاراعاندى وبلىسىنىڭ سولتۇستىگىندە نايزاعاي كۇتىلەدى، باتىستا، سولتۇستىكتە، ورتالىعىندا جەل تۇرىپ، جىىلدامدىعى 15-20 م/س جەتەدى.

كۇندىز قىزىلوردا وبلىسىنىڭ سولتۇستىك-باتىسىندا جەل 15-20 م/س كۇشەيەدى. ماڭعىستاۋ وبلىسىنىڭ سولتۇستىگىندە، تۇندە جانە تاڭەرتەڭ شىعىس قازاقستان وبلىسىنىڭ سولتۇستىگىندە، سولتۇستىك-شىعىسىندا تۇمان كۇتىلەدى.

كۇندىز اتىراۋ وبلىسىنىڭ سولتۇستىگىندە، باتىس قازاقستان وبلىسىنىڭ وڭتۇستىك-شىعىسىندا جەلدىڭ جىلدامدىعى 15-20 م/س ارالىعىندا بولادى.

شىعىس قازاقستان وبلىسىنىڭ باتىسى مەن سولتۇستىك-شىعىسىندا تۇندە 2 گرادۋس ۇسىك جۇرەدى، قاراعاندى وبلىسىنىڭ سولتۇستىگىندە 2 گرادۋس ۇسىك ساقتالادى. الماتى، جامبىل، تۇركىستان، قىزىلوردا، ماڭعىستاۋ، اتىراۋ، اقتوبە، قوستاناي، قاراعاندى وبلىستارىنىڭ باسىم بولىگىندە، باتىس قازاقستان وبلىسىنىڭ سولتۇستىك-شىعىسى مەن وڭتۇستىگىندە، شىعىس قازاقستان وبلىسىنىڭ وڭتۇستىگىندە ءورت قاۋپى ساقتالادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار