سەناتوردىڭ ايتۋىنشا, قالا مەن وبلىستاعى ءورت ءسوندىرۋ ستانتسيالارىنىڭ سانى, سونداي-اق كەزەكشى قاراۋىلدىڭ جاۋىنگەرلىك ەسەبى جەكە قۇرامىنىڭ شتات سانى نورمالارعا سايكەس كەلمەيدى. سونىمەن قاتار, سەناتور ارنايى ءورت-قۇتقارۋ تەحنيكاسى مەن جابدىقتارىن ساتىپ الۋعا اقشانىڭ جەتىسپەۋشىلىگى پروبلەماسىن دا اتاپ ءوتتى. وسى سەبەپتى ءورت سوندىرۋشىلەر مەن قۇتقارۋشىلار ەسكىرگەن جابدىقتاردا جۇمىس ىستەۋگە ءماجبۇر.
«ماسەلەن, جامبىل وبلىسىندا ءورت ءسوندىرۋ قىزمەتىنىڭ اۆتوتەحنيكا پاركى - 136 بىرلىكتى. بالانستا بار اۆتوكولىكتىڭ 26 بىرلىگى ەسكىرگەن تەحنيكادان تۇرادى, ونىڭ پايدالانۋ مەرزىمى 20 جىلدان اسادى. بۇدان باسقا, بايزاق اۋدانىندا توتەنشە جاعدايدى جويۋ كەزىندە 18 بىرلىك ءورت ءسوندىرۋ تەحنيكاسى جارامسىز بولىپ قالعانىن اتاپ ءوتۋ قاجەت», دەدى بەكبولات ورىنبەكوۆ.
سەناتوردىڭ ۇسىنىسى – تج قۇرىلىمدارىنداعى جاعدايعا كەشەندى تالداۋ جۇرگىزۋ جانە اتالعان پروبلەمالاردى شەشۋ بويىنشا شارالار قابىلداۋ.
