ۇكىمەت باسشىسى م. مىرزاعاليەۆتىڭ ەنەرگەتيكا سالاسىنداعى باسشىلىق قىزمەتتەردە اتقارعان ۇلكەن جۇمىس تاجىريبەسىن اتاپ ءوتتى. ول بۇرعىلاۋ ينجەنەرىنەن باستاپ «قازمۇنايگاز» ۇك» اق باسقارما توراعاسىنىڭ ورىنباسارى, ەنەرگەتيكا ۆيتسە-ءمينيسترى لاۋازىمىنا دەيىن ەڭبەك جولىنان ءوتتى. 2019 جىلعى ماۋسىمنان باستاپ ەكولوگيا, گەولوگيا جانە تابيعي رەسۋرستار ءمينيسترى قىزمەتىن اتقاردى.
«ونىڭ ەنەرگەتيكا ءمينيسترى ءۇشىن قاجەتتى تاجىريبەسى مەن ءبىلىمى مول. مەملەكەت باسشىسى مينيسترلىكتىڭ الدىنا سالانى ودان ءارى دامىتۋدى قامتاماسىز ەتۋ بويىنشا ۇلكەن مىندەتتەر قويدى. وڭىرلەردى گازبەن قامتاماسىز ەتۋ, مۇناي حيمياسى جانە مۇناي وڭدەۋ سالاسىنداعى ءىرى جوبالاردى ىسكە اسىرۋ, تسيفرلىق تەحنولوگيالاردى ەنگىزۋ, جاڭارتىلاتىن ەنەرگەتيكا مەن مۇناي-گاز ماشيناسىن جاساۋدى دامىتۋ جونىندەگى جۇمىستاردى جالعاستىرۋ قاجەت», دەدى ا. مامين.
