اۋەجايدا تسيفرلىق جەكە كۋالىكتى پايدالانۋ ءۇشىن eGov mobile قوسىمشاسىندا اۆتورلاندىرىلعان پايدالانۋشى «تسيفرلىق قۇجاتتار» بولىمىنە كىرىپ, تىزىمنەن جەكە كۋالىكتى تاڭداۋ قاجەت. اۋەجايدىڭ تىركەۋ بولىمىندە, سونداي-اق ۇشۋ الدىنداعى تەكسەرۋدەن ءوتۋ كەزىندە سەرۆيستە جاسالعان QR-كودى بار سمارتفوننىڭ ەكرانىن كورسەتۋ قاجەت.
ىشكى رەيستەردە تسيفرلىق جەكە كۋالىكتى پايدالانۋ مۇمكىندىگى قر يندۋستريا جانە ينفراقۇرىلىمدىق دامۋ مينيسترلىگى, قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى, «قازاقستاننىڭ اۆياتسيالىق اكىمشىلىگى» اق, وتاندىق اۋە كومپانيالارى مەن اۋەجايلارىنىڭ جانە «ۇلتتىق اقپاراتتىق تەحنولوگيالار»اق-نىڭ جۇيەلەردى ينتەگراتسيالاۋ بويىنشا بىرلەسكەن كۇش-جىگەرىنىڭ ناتيجەسىندە پايدا بولدى.
تسيفرلىق قۇجاتتار قىزمەتى پيلوتتىق رەجيمدە جۇمىس ىستەيدى جانە ازىرگە نۇر-سۇلتان, الماتى, اقتوبە جانە شىمكەنت قالالارى اراسىندا قولجەتىمدى. وسى اۋەجايلار قىزمەتىن پايدالانۋدى جوسپارلاپ وتىرعان جولاۋشىلاردىڭ پيلوتتىق جوبا كەزىندە جەكە كۋالىگىنىڭ تۇپنۇسقاسىن دا وزىمەن بىرگە الىپ جۇرگەنى ءجون بولادى.
