«قالادا كوروناۆيرۋس ينفەكتسياسىن جۇقتىرعان ناۋقاستار سانىنىڭ ازايۋىنا بايلانىستى, ينفەكتسيالىق ستاتسيونارلار, كوپبەيىندى اۋرۋحانالار اقىرىنداپ قالىپتى جۇمىسىنا ورالادى. سونىمەن «تەرى-ۆەنەرولوگيالىق ديسپانسەرى», «قالالىق رەۆماتولوگيالىق ورتالىق», «HAK Medical» كلينيكالىق ستاتسيونارى, «ب. جاربوسىنوۆ اتىنداعى عىلىمي ۋرولوگيا ورتالىعى», «Astana International» قوناق ءۇيى كۇندەلىكتى جۇمىسىنا كىرىستى», دەيدى سپيكەر.
ونىڭ ايتۋىنشا, «حالىق ارەنا» سپورت كەشەنىندەگى ستاتسيونارلاردا دا ناۋقاستاردىڭ قابىلدانۋى توقتاتىلدى.
«بۇل نىسان جاڭا جىلعا دەيىن رەزەرۆتە بولادى. ەگەر, ۆيرۋس جۇقتىرعاندار سانى كۇرت ءوسىپ كەتەتىن بولسا, قايتا اشاتىن بولامىز. سونىمەن قاتار وسى اپتادا كارديولوگيالىق ورتالىق پەن جەدەل جاردەم اۋرۋحاناسىندا اشىلعان پروۆيزورلىق ورتالىق جابىلادى», دەدى ناريمان تابىنباەۆ.
