قازاقستان • 09 قىركۇيەك، 2021

اسقار شاكىروۆ: پارلامەنتاريلەر گەندەرلىك تەڭدىكتى ىلگەرىلەتۋگە جاردەمدەسۋى كەرەك

12 رەت كورسەتىلدى

سەنات توراعاسىنىڭ ورىنباسارى اسقار شاكىروۆ ەقىۇ پارلامەنتتىك اسسامبلەياسى ءوزىنىڭ «حەلسينكي + 50» پروتسەسى - ءىس-قيمىلعا ۇندەۋ» باستاماسى شەڭبەرىندە ۇيىمداستىرعان «ايەلدەر، بەيبىتشىلىك جانە قاۋىپسىزدىك» اتتى ونلاين-كونفەرەنتسياعا قاتىستى، دەپ حابارلايدى Egemen.kz.

ونلاين ديالوگقا قاتىسۋشىلار جانجالداردىڭ الدىن الۋ مەن شەشۋدەگى، بىتىمگەرشىلىككە، ايەلدەر مەن قىزداردى گەندەرلىك تەڭسىزدىكتەن قورعاۋعا ايەلدەردىڭ تولىق جانە ماڭىزدى قاتىسۋىن قامتاماسىز ەتۋدەگى پارلامەنتتىك اسسامبلەيا مەن ۇلتتىق پارلامەنتتەردىڭ ءرولىن تالقىلادى.

ەقىۇ پارلامەنتتىك اسسامبلەياسىنىڭ ۆيتسە-پرەزيدەنتى اسقار شاكىروۆ ءوز سوزىندە ايەلدەردىڭ قۇقىقتارىن جان-جاقتى قورعاۋ، ولارعا قاتىستى زورلىق-زومبىلىق پەن كەمسىتۋشىلىكتى جويۋ، سونداي-اق ايەلدەردى بيلىك قۇرىلىمدارىندا ىلگەرىلەتۋ ەقىۇ-عا مۇشە مەملەكەتتەردىڭ دامۋىنداعى ماڭىزدى باسىمدىقتار بولىپ تابىلاتىنىن اتاپ ءوتتى.

«قازاقستان گەندەرلىك تەڭدىكتى قامتاماسىز ەتۋ باعىتىندا بۇۇ-نىڭ مىڭجىلدىق دامۋ ماقساتتارىنا مەرزىمىنەن بۇرىن قول جەتكىزدى جانە تمد ەلدەرى اراسىندا گەندەرلىك دامۋ يندەكسى بويىنشا كوشباسشى بولىپ تابىلاتىن «گەندەرلىك دامۋ دەڭگەيى وتە جوعارى» ەلدەردىڭ قاتارىنا كىرەدى»، دەدى ۆيتسە-سپيكەر.

ول پرەزيدەنت قاسىم-جومارت توقاەۆتىڭ سايلاۋداعى ساياسي پارتيالاردىڭ كانديداتتارى تىزىمىندە ايەلدەر مەن جاستار ءۇشىن 30 پايىزدىق كۆوتا ەنگىزۋ جونىندەگى باستاماسىنىڭ ماڭىزدىلىعىن اتاپ ءوتتى. بۇل پارلامەنت ماجىلىسىندەگى ايەلدەر وكىلدىگىن 27%-عا دەيىن ۇلعايتۋعا مۇمكىندىك بەردى.

ايەلدەردىڭ شاعىن جانە ورتا بيزنەستىڭ 43%-ىن باسقاراتىنىن ەسكەرە كەلە جۇمىس ورىندارىن قۇرۋداعى جانە ەكونوميكالىق ءوسۋدى ىنتالاندىرۋداعى ماڭىزدى ءرولى اتاپ ءوتىلدى.

قازاقستاندىق اسكەري قىزمەتشى ايەلدەر ەرلەرمەن قاتار بۇۇ ميسسياسى شەڭبەرىندە جانجالدان كەيىنگى ەلدەردە بەيبىت ءومىردى قالپىنا كەلتىرۋدىڭ بىتىمگەرشىلىك باعدارلامالارىنا قاتىسادى.

قورىتىندىلاي كەلە، قازاقستاندىق سەناتور ەقىۇ پارلامەنتاريلەرىن ايەلدەر وكىلدىگى ماسەلەلەرىندە ۇلكەن تەپە-تەڭدىكتى قامتاماسىز ەتۋگە، ايەلدەردىڭ ءوز مۇمكىندىكتەرىن تولىق ىسكە اسىرۋى ءۇشىن قولايلى جاعدايلار جاساۋعا جانە الەۋەتىن ارتتىرۋعا جاردەمدەسۋگە شاقىردى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار