تاريح • 09 قىركۇيەك، 2021

دينانىڭ دومبىراسى

205 رەت كورسەتىلدى

ەلورداداعى ۇلتتىق مۋزەيدىڭ تورىندە بيىل تۋعانىنا 160 جىل تولعان اتاقتى كۇيشى، قازاقستاننىڭ حالىق ءارتىسى دينا نۇرپەيىسوۆانىڭ قولىنىڭ تابى قالعان دومبىراسى تۇر.

توعىز جاسىنان قۇرمانعازى، داۋلەتكەرەي، ءمۇسىرالى، ۇزاق، الىكەي، تۇركەش، ەسجان، بايجۇما، بالا­ماي­سان سەكىلدى ساڭلاق كۇيشىلەردىڭ شىعار­مالارىن قۇلاعىنا ءسىڭىرىپ وسكەن جاس كۇيشىنىڭ اتاعى، ءوزى تۋعان نارىن قۇ­مىنا ەرتە جايىلدى. دارىندى ورەننىڭ اتىن ەستىگەن قۇرمانعازى اتامىز دينا­نىڭ كۇي شەرتكەنىن كورۋ ءۇشىن ونىڭ اۋىلىنا كەلىپ، جاس كۇيشىنىڭ ونەرىنە ءتانتى بولىپ، باتاسىن بەرىپ، اقىلشى ۇستاز بولدى. وسىلاي كۇي اتاسىنىڭ باتاسىن العان دينانىڭ ونەردەگى جولى داڭعىلعا اينالدى. تارلان كۇيشى ءوز شىعارماشىلىعىندا قۇرمانعازىنىڭ جىگەرلى كۇيلەرىمەن بىرگە داۋلەتكەرەيدىڭ نازىك ليريكاسىن ۇشتاستىرىپ، بىرەگەي تۋىندىلاردى ومىرگە اكەلدى.

ءبىزدىڭ ماقالامىزعا سەبەپ بولعان كۇيشىنىڭ دومبىراسىن 1939 جىلى ارىستان ەرمەكوۆ دەگەن شەبەر قايىڭ اعاشىنان جاساعان. دومبىرا ەكى شەكتى، شاناعى سوپاق، موينى جىڭىشكە بولىپ كەلەدى. اسپاپتىڭ بەتكى جاعى ۇلتتىق ناقىشتاعى جانە گۇل تارىزدەس ويۋلارمەن ورنەكتەلگەن. جادىگەردى 2003 جىلى پرەزيدەنتتىك مادەنيەت ورتالىعىنىڭ ماتەريالدىق مادەني-تۇرمىستىق زاتتار قورىنا بەلگىلى مۋزىكا زەرتتەۋشىسى، پروفەسسور بولات سارىباەۆ تاپسىرعان. دينا اپامىز ەكىنشى دۇنيەجۇزىلىك سوعىس كەزىندە ءبىراز ۋاقىت سارىباەۆتار وتباسىمەن كورشى تۇرىپتى. سوندا بالا بولاتتىڭ مۋزىكالىق قابىلەتىن بايقاعان ول كىسى وعان ءوزىنىڭ دومبىراسىن سىيعا تارتىپ: «ومىرىمدەگى ەڭ اسىلىم – وسى دومبىرا، كوزىمدەي كورىپ ءجۇر» دەپ باتاسىن بەرىپتى. داۋلەس­كەر كۇيشىنىڭ وسى ءبىر اۋىز ءسوزى بولات سارىباەۆتىڭ جادىندا قالىپ، ونىڭ كەيىن قازاقتىڭ مۋزىكالىق اسپاپتارىن جيناپ، ءان-كۇي مۇراسىن زەرتتەۋىنە تۇرتكى بولعان.

بۇگىندە دينا نۇرپەيىسوۆانىڭ كيەلى دومبىراسى – ۇلتتىق مۋزەيدىڭ قۇندى جادىگەرلەر قاتارىندا سانالادى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار