بۇۇ بالالار قورى (يۋنيسەف) سانيتارلىق-ەپيدەميولوگيالىق باقىلاۋ كوميتەتىمەن, قازاقستان رەسپۋبليكاسى دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ۇلتتىق ورتالىعىمەن (قر دسم قدسۇو), اقش حالىقارالىق دامۋ اگەنتتىگىنىڭ (USAID) قارجىلىق قولداۋىمەن بالالاردىڭ جوسپارلى ۆاكتسينالاۋى تۋرالى رەسمي اقپارات پەن مەديتسينالىق زەرتتەۋلەردىڭ ناتيجەلەرى جيناقتالعان سايت ازىرلەندى. بىرنەشە اي بويى MedSupport دارىگەرلەرى مەن عالىمدار توبى يۋنيسەف-پەن بىرلەسىپ قاجەتتى دەرەكتەردى ىرىكتەپ, اتا-انالار مەن قازاقستانداعى يممۋنداۋ تاقىرىبىنا قىزىعۋشىلىق تانىتاتىن ادامدار ءۇشىن EGU.kz سايتىنىڭ قۇرىلىمى, ينتەرفەيسى جانە كونتەنتىن بارىنشا قولايلى ەتۋ بويىنشا جۇمىس اتقاردى.
اقپاراتتىق رەسۋرستا ۇلتتىق ۆاكتسينالاۋ كۇنتىزبەسىنە ەنگىزىلگەن ءار ۆاكتسينانىڭ تولىق سيپاتتاماسى بار. سايتقا كىرگەن كەز كەلگەن ادام ۆاكتسينا قورعايتىن ينفەكتسيالارمەن تانىسىپ, قارسى كورسەتىلىمدەر مەن ىقتيمال جاناما اسەرلەر تۋرالى وقي الادى. سايتتىڭ ىسكە قوسىلۋىمەن ءاربىر قازاقستاندىق اتا-انا اۋتيزم جانە قپق ۆاكتسيناسى تۋرالى ءميفتىڭ قالاي پايدا بولعانى, نەلىكتەن بالالار ەكپەلەرىندە سىناپ جوق ەكەندىگى, سونداي-اق ينەكتسيا ورنىن سۋلاۋعا بولاتىنى الدە بولمايتىنى جايلى بىلە الادى. سونداي-اق ۆاكتسينالاۋ تۋرالى الىپقاشپا اڭگىمەلەردىڭ تولىق ءتىزىمى مەن ونى اشكەرلەيتىن سەنىمدى اقپاراتقا كوز جەتكىزەدى.
«ۆاكتسينالاۋ ماسەلەلەرى كوپشىلىك پەن بۇقارالىق اقپارات قۇرالدارىن ءجيى الاڭداتادى. EGU.kz سايتىنىڭ نەگىزگى مىندەتى – ۆاكتسينالار تۋرالى تولىق جانە سەنىمدى اقپارات بەرۋ جانە رەسپۋبليكادا ۆاكتسينالاۋ جۇمىستارىن ۇيىمداستىرۋ. بۇل پلاتفورما ۆاكتسينالاۋ سالاسىنداعى تاجىريبەلى ماماندار جانە عالىمدار مەن حالىقتىڭ اراسىنداعى اشىق جانە شىنايى ديالوگقا ارنالعان. وسى ارقىلى اركىم ءوزىن تولعاندىرعان سۇراقتارعا كاسىبي جانە عىلىمي نەگىزدەلگەن جاۋاپ الا الادى», دەدى سانيتارلىق-ەپيدەميالىق باقىلاۋ كوميتەتىنىڭ ءتورايىمى ايجان ەسماعامبەتوۆا.
«ۆاكتسينالاۋ – اتا-انالار ءۇشىن بالالارىن جۇقپالى اۋرۋلاردىڭ اۋىر زارداپتارىنان قورعاۋدىڭ جالعىز, ءتيىمدى جانە بالاماسى جوق ءادىس. EGU.kz سايتىندا ءسىز ۆاكتسينالاۋ تۋرالى دۇرىس, دالەلدى جانە نەگىزدەلگەن اقپاراتتى الا الاسىز», دەدى قوعامدىق دەنساۋلىق ساقتاۋ ۇلتتىق ورتالىعى باسقارما توراعاسىنىڭ ورىنباسارى ايناگۇل قۋاتباەۆا.
رەسمي رەسۋرستا ۆاكتسينالاۋ كۇنتىزبەسى, ۆاكتسينالاۋ ورتالىقتارى, ۆاكتسينالار مەن اۋرۋلار, ميفتەر, سۇراقتار مەن جاۋاپتار سياقتى ايدارلار بار. EGU.kz
سايتىندا اتا-انالار ۆاكتسينالاردىڭ تۇرلەرى تۋرالى اقپاراتقا قول جەتكىزىپ, ونىڭ قاۋىپسىزدىگىن تەكسەرۋدىڭ بارلىق كەزەڭى جانە وزدەرىن مازالايتىن ماسەلەلەرگە جاۋاپ تابا الادى. سايت سونىمەن قاتار ۆاكتسينالاۋ تاريحىنا قىسقاشا شولۋ جاسايدى جانە ۆاكتسينامەن باسقارىلاتىن بىرقاتار جۇقپالى اۋرۋلاردى جەڭۋ جولىنداعى ادامزاتتىڭ العاشقى قادامدارىن سيپاتتايدى. الداعى ۋاقىتتا اتالعان رەسۋرس بالالاردى جوسپارلى ۆاكتسينالاۋ تۋرالى وزەكتى ستاتيستيكالىق دەرەكتەرمەن تولىقتىرىلادى.
«ۆاكتسينالاردى ويلاپ شىعارۋ – مەديتسينانىڭ ەڭ ۇلكەن جەتىستىگى. بۇل – ءوزىڭىزدى جانە بالاڭىزدى دەنساۋلىققا قايتىمسىز زيان كەلتىرەتىن, كەيدە ولىممەن اياقتالاتىن قورقىنىشتى اۋرۋلاردان قورعاۋدىڭ ەڭ ءتيىمدى جانە كەيدە جالعىز جولى. ءححى عاسىردا كەيبىر اتا-انالار بالالارىن ۆاكتسينالاۋدىڭ تيىمدىلىگى مەن قاجەتتىلىگىنە قاتىستى ءالى دە كۇماندانۋدا. دۇرىس جانە اقپاراتتاندىرىلعان تاڭداۋ جاساۋعا كومەكتەسۋ ءۇشىن يۋنيسەف ءوزىنىڭ سەرىكتەستەرىمەن بىرگە بۇرىن قازاقستاندا بولماعان بىرەگەي سايت ازىرلەدى. ۇلتتىق ۆاكتسينالاۋ كۇنتىزبەسىنە كىرەتىن ۆاكتسينالار تۋرالى بارلىق اقپاراتتى تابۋ وڭاي جانە جەڭىل. بۇل سايت اتا-انالارعا بالاسىن ۆاكتسينالاۋ تۋرالى ماڭىزدى شەشىم قابىلداۋدا پايدالى قۇرال بولادى دەپ سەنەمىن», دەدى قازاقستانداعى يۋنيسەف وكىلى ارتۋر ۆان ديزەن.
سايت تۇرعىلىقتى جەرگە ەڭ جاقىن ۆاكتسينالاۋ ورتالىعىن تابۋعا مۇمكىندىك بەرەتىن كارتامەن جابدىقتالعان. بالاڭىزعا جوسپارلى ەگۋدى ۇمىتىپ كەتپەۋ ءۇشىن اتا-انالار ەلەكتروندى كۇنتىزبەگە ۆاكتسينانى ۋاقىتىندا قويۋ قاجەتتىلىگى تۋرالى ەسكەرتۋ فۋنكتسياسىن قولدانا الادى.
ء«بىز وسى جوبانىڭ ءبىر بولىگى بولعانىمىزعا قۋانىشتىمىز. EGU.KZ سايتى قازاقستاندىق سابيلەردىڭ قاۋىپسىز جانە سالاماتتى بالالىق شاعى ءۇشىن اتا-انالاردىڭ تاپتىرماس كومەكشىسى بولادى!» دەپ ءتۇسىندىردى Medsupport ۇجىمى.
سايت يۋنيسەف قازاقستان مەن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ يممۋنداۋ جۇيەسىن كۇشەيتۋ جونىندەگى بىرلەسكەن باعدارلاماسى شەڭبەرىندە ازىرلەنگەن.
«يممۋنداۋ ءومىردى عانا قۇتقارىپ قويمايدى, سونداي-اق بالالارعا, ايەلدەرگە جانە وتباسىلارعا وركەندەۋگە مۇمكىندىك بەرەدى. بۇل ماڭىزدى ۆەب-سايتتا بەرىلگەن اقپارات ادامدارعا ۆاكتسينا ارقىلى الدىن الاتىن اۋرۋلاردىڭ قاۋپىنەن قورعانۋعا كومەكتەسەدى. ناتيجەسىندە, بالالار مەكتەپتە بولىپ, اتا-انالار ءوز وتباسىنا قامقورلىق جاساپ, قولداۋ كورسەتۋ ارقىلى ءوز قوعامداستىعى مەن ەلىنىڭ ەكونوميكالىق وسۋىنە ىقپال ەتە الادى», دەيدى USAID/ورتالىق ازيا ميسسياسى ديرەكتورىنىڭ مىندەتىن اتقارۋشى پيتەر يانگ.
