«دەلتا شتامىنا كەلەتىن بولساق, ونىڭ ءتيىستى ۇلگىلەرى زەرتتەۋ ءۇشىن بەرىلدى», دەدى مارات شورانوۆ بريفينگتە.
ۆيتسە-مينيستر قولدا بار وتاندىق ۆاكتسينانىڭ دەلتا شتامىنا قارسى تيىمدىلىگى راستالعانىن اتاپ ءوتتى.
«جاڭاسىن ازىرلەۋگە كەلەتىن بولساق, مۇندا راسىمدىك سيپاتتاعى ماسەلەلەر بار. بۇل جەردە ءبىز ينستيتۋتپەن تىعىز جۇمىس جۇرگىزىپ جاتىرمىز», دەپ سەندىردى مارات شورانوۆ.
بۇعان دەيىن كۆي-عا قارسى ۆاكتسينا العاننان كەيىن قازاقستاندىقتاردىڭ باسىم بولىگى كوروناۆيرۋسپەن اۋىرعانى تۋرالى حابارلانعان بولاتىن.
«ەگەر ءبىز ۆاكتسينالاردىڭ تۇرلەرى بويىنشا جۇرەتىن بولساق, وندا ۆاكتسينالاردىڭ ءبىرىنشى كومپونەنتىن العاننان كەيىن بىزدە 7 070 ادامنىڭ اراسىندا اۋرۋشاڭدىق تىركەلدى, بۇل جالپى ساننىڭ 0,1%-ىن قۇرايدى», دەدى قر دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتى توراعاسىنىڭ ورىنباسارى زاۋرە احمەتوۆا.
